BSP ਨੇ ਸ੍ਰੀ ਚਰਨ ਛੋਹ ਗੰਗਾ ਸ੍ਰੀ ਖੁਰਾਲਗੜ੍ਹ ਸਾਹਿਬ ’ਚ ਨਤਮਸਤਕ ਹੋ ਕੇ ਪੰਜਾਬ ਸਰਕਾਰ ਖ਼ਿਲਾਫ਼ ਕੀਤੀ ਸੰਘਰਸ਼ ਦੀ ਸ਼ੁਰੂਆਤ

ਇਸ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬਸਪਾ ਸੂਬਾ ਪ੍ਰਧਾਨ ਨੇ ਕਿਹਾ ਪੰਜਾਬ ਵਿੱਚ ਅਮਨ ਕਾਨੂੰਨ ਨਾਮ ਦੀ ਕੋਈ ਚੀਜ ਨਹੀ ਹੈ। ਥਾਂ-ਥਾਂ ਬਾਬਾ ਸਾਹਿਬ ਡਾ ਭੀਮ ਰਾਓ ਅੰਬੇਡਕਰ ਦੇ ਬੁੱਤਾ ਦੀ ਭੰਨ ਤੋੜ ਕਰਕੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਇਸ ਸੰਬੰਧੀ ਉਨ੍ਹਾਂ ਸਰਕਾਰ ਤੇ ਪੁਲਿਸ ਪ੍ਰਸ਼ਾਸਨ ਨੂੰ ਜਿੰਮੇਵਾਰ ਠਹਿਰਾਇਆ। ਕਰੀਮਪੁਰੀ ਨੇ ਅੱਗੇ ਕਿਹਾ ਕਿ ਜਿਸ ਦਿਨ ਫਿਲੌਰ ਨੇੜੇ ਬੁੱਤ ਦੀ ਬੇਅਦਬੀ ਕੀਤੀ ਗਈ ਤਾਂ ਫੜੇ ਗਏ ਦੋਸ਼ੀਆਂ ਨੇ ਮੰਨਿਆ ਕਿ ਅਗਲਾ ਨਿਸ਼ਾਨਾ ਨੂਰਪੁਰ ਜੱਟਾਂ ਹੈ, ਭਾਵ ਪੁਲਿਸ ਕੋਲ ਇੰਨਪੁੱਟ ਸੀ ਤੇ ਜਦ ਬੁੱਤ ਦੀ ਭੰਨ ਤੋੜ ਕੀਤੀ ਗਈ ਤਾਂ ਪੁਲਿਸ ਤੁਰੰਤ ਮੌਕੇ ’ਤੇ ਪਹੁੰਚ ਗਈ, ਜਿਵੇਂ ਉਨ੍ਹਾਂ ਨੂੰ ਪਹਿਲਾ ਹੀ ਪਤਾ ਹੋਵੇ । ਉਨਾਂ ਕਿਹਾ ਕਿ ਪੁਲਿਸ ਪ੍ਰਸ਼ਾਸਨ ਵਲੋਂ ਬੁੱਤ ਦੀ ਥਾਂ ਬਦਲਣ ਦੀ ਵੀ ਅਸਫਲ ਕੋਸ਼ਿਸ਼ ਕੀਤੀ ਗਈ ਜੋ ਕਿ ਨਿੰਦਣਯੋਗ ਹੈ। ਕਰੀਮਪੁਰੀ ਨੇ ਕਿਹਾ ਕਿ ਸਾਡੀ ਮੰਗ ਹੈ ਕਿ ਪੰਜਾਬ ਵਿੱਚ ਸਾਰੇ ਬੁੱਤਾ ਦੀ ਰੱਖਿਆ ਲਈ ਪੁਲਿਸ ਕਰਮਚਾਰੀ ਲਗਾਏ ਜਾਣ ਇਹ ਵੀ ਮੰਗ ਸਰਕਾਰ ਨੇ ਨਹੀ ਮੰਨੀ। ਸ਼ਰਾਬ ਦੇ ਠੇਕਿਆ ਬਾਰੇ ਉਨ੍ਹਾਂ ਕਿਹਾ ਕਿ ਬੀਤ ਇਲਾਕੇ ਵਿੱਚ 30 ਸ਼ਰਾਬ ਦੀਆਂ ਬਰਾਂਚਾਂ ਨਜਾਇਜ ਚਲ ਰਹੀਆਂ ਹਨ ਅਤੇ ਸ੍ਰੀ ਖੁਰਾਲਗੜ੍ਹ ਤੋਂ ਚਾਰ ਕਿਲੋਮੀਟਰ ਦੇ ਅੰਦਰ ਪੰਜਾਬ ਤੇ ਹਿਮਾਚਲ ਪ੍ਰਦੇਸ਼ ਦੇ 10 ਠੇਕੇ ਚਲ ਰਹੇ ਹਨ। ਹੈਰਾਨੀ ਦੀ ਗਲ ਹੈ ਕਿ ਬੀਤ ਇਲਾਕੇ ਵਿੱਚ ਪਾਣੀ ਦੀ ਟੰਕੀ ਤਾਂ ਬਣ ਨਹੀਂ ਸਕੀ ਪਰ ਸ਼ਰਾਬ ਦੇ ਦਰਿਆ ਵਗ ਰਹੇ ਹਨ। ਉਨਾਂ ਕਿਹਾ ਜਦ ਤਕ ਲੋਕ ਵਿਰੋਧੀ ਪਾਰਟੀਆਂ ਦਾ ਪੰਜਾਬ ਤੋਂ ਖਾਤਮਾ ਨਹੀ ਹੁੰਦਾ ਬਸਪਾ ਸੰਘਰਸ਼ ਜਾਰੀ ਰੱਖੇਗੀ। ਇਸ ਮੌਕੇ ਬਲਵਿੰਦਰ ਕੁਮਾਰ ਜਨ ਸਕੱਤਰ ਬਸਪਾ ਪੰਜਾਬ, ਸੰਤ ਗਿਰਧਾਰੀ ਲਾਲ, ਜਸਪਾਲ ਚੇਚੀ, ਜਗਦੀਸ਼ ਦੀਸ਼ਾ, ਭੁਪਿੰਦਰ ਬੇਗਮਪੁਰੀ, ਸੈਂਡੀ ਭੱਜਲਾਂ ਵੀ ਹਾਜਰ ਸਨ।