ਨਵੀਂ ਦਿੱਲੀ, 27 ਜਨਵਰੀ– 26 ਜਨਵਰੀ ਨੂੰ ਅੰਮ੍ਰਿਤਸਰ ਵਿਚ ਬੀ.ਆਰ. ਅੰਬੇਡਕਰ ਦੇ ਬੁੱਤ ਦੀ ਭੰਨਤੋੜ ’ਤੇ ਭਾਜਪਾ ਸੰਸਦ ਮੈਂਬਰ ਅਨੁਰਾਗ ਠਾਕੁਰ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦਾ ਚਿਹਰਾ ਬੇਨਕਾਬ ਹੋ ਗਿਆ ਹੈ ਕਿ ਇਹ ਦਲਿਤ ਵਿਰੋਧੀ ਹੈ। ਉਨ੍ਹਾਂ ਕਿਹਾ ਕਿ ਇਕ ਵੀ ਰਾਜ ਸਭਾ ਮੈਂਬਰ ਦਲਿਤ ਨਹੀਂ ਹੈ, ਦਲਿਤ ਭਾਈਚਾਰੇ ਤੋਂ ਉਪ ਮੁੱਖ ਮੰਤਰੀ ਨਾ ਬਣਾਇਆ। ਦਲਿਤ ਭਾਈਚਾਰੇ ਦੇ 2 ਮੰਤਰੀਆਂ ਨੇ ‘ਆਪ’ ਨੂੰ ਦਲਿਤ ਵਿਰੋਧੀ ਦੱਸਦਿਆਂ ਅਸਤੀਫ਼ਾ ਦੇ ਦਿੱਤਾ। ਉਨ੍ਹਾਂ ਨੇ ਇਕ ਦਲਿਤ ਔਰਤ ਨੂੰ ਟਿਕਟ ਦੇਣ ਦੇ ਬਦਲੇ ਲੱਖਾਂ ਰੁਪਏ ਲਏ… ਇੰਨਾ ਹੀ ਨਹੀਂ, ਪਿਛਲੇ 5 ਸਾਲਾਂ ਵਿਚ ਸਾਲਾਂ ਤੋਂ, 500 ਦਲਿਤ ਬੱਚਿਆਂ ਨੂੰ ਪੜ੍ਹਾਈ ਲਈ ਵਿਦੇਸ਼ ਭੇਜਿਆ ਜਾਣਾ ਸੀ, ਪਰ ਉਹ 5 ਬੱਚੇ ਵੀ ਨਹੀਂ ਭੇਜ ਸਕੇ। ਅੱਜ ਸਵਾਲ ਇਹ ਉੱਠਦਾ ਹੈ ਕਿ ਜਦੋਂ ਤੁਹਾਨੂੰ ਦਿੱਲੀ ਵਿਚ ਇਕ ਦਲਿਤ ਨੂੰ ਉਪ ਮੁੱਖ ਮੰਤਰੀ ਅਤੇ ਮੁੱਖ ਮੰਤਰੀ ਬਣਾਉਣ ਦੇ ਦੋ ਮੌਕੇ ਮਿਲੇ, ਤਾਂ ਕਿਉਂ ਤੁਸੀਂ ਅਜਿਹਾ ਨਹੀਂ ਕੀਤਾ? ਤੁਸੀਂ ਪੰਜਾਬ ਵਿਚ ਦਲਿਤ ਮੁੱਖ ਮੰਤਰੀ, ਉਪ ਮੁੱਖ ਮੰਤਰੀ ਕਿਉਂ ਨਹੀਂ ਬਣ ਸਕੇ, ਤੁਸੀਂ ਰਾਜ ਸਭਾ ਵਿਚ ਦਲਿਤ ਮੈਂਬਰ ਕਿਉਂ ਨਹੀਂ ਬਣਾ ਸਕੇ? ਹੁਣ ਅਰਵਿੰਦ ਕੇਜਰੀਵਾਲ ਅਤੇ ਉਨ੍ਹਾਂ ਦੀ ਪਾਰਟੀ ਰਾਖਵਾਂਕਰਨ ਖਤਮ ਕਰਨ ਜਾ ਰਹੇ ਹਨ।
