ਨੱਕੋ-ਨੱਕ ਭਰਿਆ ਹੋਇਐ, ਪਿੰਡਾ ਟਾਂਡਾ ਦੀਆਂ ਸਮੱਸਿਆਵਾਂ ਦਾ ‘ਭਾਂਡਾ’, ਝੱਲਣੀ ਪੈ ਰਹੀ ਹੈ ਪਰੇਸ਼ਾਨੀ

ਬਰਸਾਤ ਦੇ ਮੌਸਮ ’ਚ ਪਰੇਸ਼ਾਨੀਆਂ

ਇਸ ਤਰ੍ਹਾਂ ਪਿੰਡ ਵਾਸੀ ਪਿਆਰੀ ਨੇ ਕਿਹਾ ਕਿ ‘ਭਾਈ ਸਾਨੂੰ ਤਾਂ ਕੋਈ ਸਹੂਲਤ ਨਹੀਂ ਮਿਲਦੀ। ਪਾਣੀ ਅਸੀਂ ਨਲਕਿਆਂ ਦਾ ਪੀਂਦੇ, ਫਸਲ ਸਾਡੀ ਜਾਨਵਰ ਖਾ ਜਾਂਦੇ ਦੱਸੋ ਕੀਹਨੂੰ ਦੱਸੀਏ, ਵਿਧਾਇਕ ਚੱਢਾ ਇਕ ਗਲੀ ਬਨਾਉਣ ਦੀ ਸ਼ੁਰੂਆਤ ਕਰਵਾ ਕੇ ਗਏ ਸੀ, ਉਹ ਵੀ ਬਣੀ ਨਹੀ। ਪਿਆਰੀ ਨੇ ਕਿਹਾ ਕਿ ਬਰਸਾਤ ਦਾ ਮੌਸਮ ਆ ਗਿਆ ਹੈ। ਸਾਨੂੰ ਰਾਤ ਨੂੰ ਨੀਂਦ ਨਹੀਂ ਆਉਦੀ ਕਿ ਮੀਂਹ ’ਚ ਸਾਡੇ ਬੱਚੇ ਸਕੂਲ ਕਿਵੇ ਜਾਣਗੇ, ਜੇਕਰ ਕੋਈ ਰਾਤ ਵੇਲੇ ਬੀਮਾਰ ਹੋ ਗਿਆ ਤਾਂ ਕਿੱਥੇ ਲੈ ਕੇ ਜਾਵਾਂਗੇ। ਉਨ੍ਹਾਂ ਕਿਹਾ ਕਿ ਕੱਚਾ ਰਸਤਾ ਤਾਂ ਕਈ ਥਾਵਾਂ ਤੋਂ ਪਾਣੀ ਦੇ ਤੇਜ਼ ਵਆਹ ਨਾਲ ਰੁੜ ਜਾਂਦਾ ਹੈ।

ਹਾਲੇ ਨਸੀਬ ਹੋ ਰਿਹਾ ਲੀਡਰਾਂ ਤੋਂ ਭਰੋਸਾ

ਪਿੰਡ ਵਾਸੀਆ ਨੇ ਦੱਸਿਆ ਕਿ ਪਿੰਡ ਬੁਨਿਆਦੀ ਸਹੂਲਤਾਂ ਤੋਂ ਬਿਲਕੁੱਲ ਸੱਖਣਾ ਹੈ। ਨਾ ਹੀ ਖੇਤੀ ਲਈ ਸਿੰਚਾਈ ਤੇ ਨਾ ਹੀ ਪੀਣ ਵਾਲੇ ਪਾਣੀ ਦਾ ਸਰਕਾਰ ਵੱਲੋਂ ਢੁੱਕਵਾਂ ਪ੍ਰਬੰਧ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪਰਾਣੀ ਪੰਚਾਇਤ ਨੇ ਜਦੋਂ ਸ਼ੋ੍ਮਣੀ ਅਕਾਲੀ ਦਲ ਦੀ ਸਰਕਾਰ ਸੀ ਤਾਂ ਸੜਕ ਪੱਕੀ ਬਣਾਉਣ ਲਈ ਕਾਨੂੰਨੀ ਕਾਰਵਾਈ ਕਰਨ ਲਈ ਮਤੇ ਪਾ ਕੇ ਦਿੱਤੇ। ਕਿਉਂਕਿ ਇਹ ਕੱਚਾ ਰਸਤਾ ਲੋਕਾਂ ਦੀ ਜ਼ਮੀਨ ’ਚੋਂ ਹੋ ਕੇ ਜਾਦਾ ਹੈ ਸਾਰਿਆ ਦੀ ਸਹਿਮਤੀ ਨਾਲ ਮਤਾ ਪਾਸ ਕੀਤਾ ਗਿਆ ਸੀ। ਸਰਕਾਰ ਲੁੜੀਂਦੀ ਕਾਰਵਾਈ ਕਰਕੇ ਸੜਕ ਨੂੰ ਪੱਕਾ ਕਰ ਦੇਵੇ ਤਾਂ ਕਿ ਪਿੰਡ ਵਾਸੀਆ ਨੂੰ ਸਹੂਲਤ ਹੋ ਸਕੇ। ਉਨ੍ਹਾਂ ਕਿਹਾ ਕਿ ਆਪ ਦੇ ਵਿਧਾਇਕ ਦਿਨੇਸ਼ ਚੱਢਾ ਪਿੰਡ ਆਏ ਸਨ ਤੇ ਉਨ੍ਹਾਂ ਨੇ ਸਾਨੂੰ ਵਿਸ਼ਵਾਸ਼ ਦਿੱਤਾ ਹੈ ਕਿ ਮੁਸ਼ਕਲਾਂ ਨਾਲ ਸਬੰਧਤ ਅਧਿਕਾਰੀਆਂ ਨਾਲ ਗੱਲਬਾਤ ਕਰਕੇ ਹੱਲ ਕੀਤਾ ਜਾਵੇਗਾ।