SCSS ਤੇ ਸੁਕੰਨਿਆ ਸਮਰਿੱਧੀ ਤੋਂ ਬਾਅਦ ਇਸ ਸਕੀਮ ‘ਚ ਮਿਲ ਰਿਹਾ ਸਭ ਤੋਂ ਜ਼ਿਆਦਾ ਵਿਆਜ, ਬਹੁਤ ਘੱਟ ਲੋਕਾਂ ਨੂੰ ਪਤਾ

ਕਿਵੇਂ ਤਿਆਰ ਕਰੀਏ 7 ਲੱਖ ਰੁਪਏ ਦਾ ਫੰਡ

ਪੋਸਟ ਆਫਿਸ ਦੀਆਂ ਬਹੁਤ ਹੀ ਘੱਟ ਸਕੀਮਾਂ ‘ਚੋਂ ਇਕ ਹੈ ਜਿਸ ਵਿਚ ਵੱਧ ਤੋਂ ਵੱਧ ਰਕਮ ਦੀ ਕੋਈ ਲਿਮਟ ਨਹੀਂ ਹੈ। ਇਸ ਦਾ ਟੈਨਿਊਰ ਵੀ 5 ਸਾਲ ਦਾ ਹੈ। ਚਲੋ ਜਾਣਦੇ ਹਾਂ ਕਿ ਤੁਸੀਂ ਇਸ ਸਕੀਮ ‘ਚ ਨਿਵੇਸ਼ ਕਰ ਕੇ 7 ਲੱਖ ਰੁਪਏ ਤੱਕ ਦਾ ਫੰਡ ਕਿਵੇਂ ਇਕੱਠਾ ਕਰ ਸਕਦੇ ਹੋ।

ਸਿਰਫ਼ ਐਨਐਸਸੀ ਤੋਂ ਮਿਲਣ ਵਾਲਾ ਮੁਨਾਫਾ

ਨਿਵੇਸ਼ ਰਕਮ: 4,90,000

ਰਿਟਰਨ: 7.7 ਫੀਸਦ

ਨਿਵੇਸ਼ ਮਿਆਦ: 5 ਸਾਲ

ਮੈਚਿਓਰਟੀ ਰਕਮ: 7,10,027 ਰੁਪਏ

ਕੈਲਕੂਲੇਸ਼ਨ : ਜੇਕਰ ਕੋਈ ਨਿਵੇਸ਼ਕ ਐਨਐਸਸੀ ਸਕੀਮ ‘ਚ 4,90,000 ਰੁਪਏ ਨਿਵੇਸ਼ ਕਰਦਾ ਹੈ ਤਾਂ 7.7 ਫੀਸਦ ਵਿਆਜ ਦਰ ਮੁਤਾਬਕ ਉਸਨੂੰ 5 ਸਾਲ ਬਾਅਦ 7,10,027 ਰੁਪਏ ਮੈਚਿਓਰਿਟੀ ਫੰਡ ਦੇ ਤੌਰ ‘ਤੇ ਮਿਲਣਗੇ। ਇਸ ਤਰ੍ਹਾਂ ਤੁਹਾਡਾ ਕੁੱਲ ਰਿਟਰਨ ਲਗਪਗ 50 ਫੀਸਦ ਰਹੇਗਾ। 5 ਸਾਲ ਨਿਵੇਸ਼ ਕਰ ਕੇ ਐਨਐਸਸੀ ਤੋਂ ਮਿਲਣ ਵਾਲਾ ਰਿਟਰਨ 2,20,027 ਰੁਪਏ ਹੋਵੇਗਾ। ਇਸ ਤਰ੍ਹਾਂ ਜਿੰਨਾ ਜ਼ਿਆਦਾ ਤੁਸੀਂ ਨਿਵੇਸ਼ ਰਕਮ ਨੂੰ ਵਧਾਉਂਦੇ ਹੋ, ਤੁਹਾਨੂੰ ਮਿਲਣ ਵਾਲਾ ਰਿਟਰਨ ਵੀ ਓਨਾ ਹੀ ਵਧੇਗਾ।

ਕਿਵੇਂ ਪ੍ਰਾਪਤ ਕਰੀਏ ਵਧੇਰੇ ਰਿਟਰਨ?

ਐਨਐਸਸੀ + ਮਿਊਚਲ ਫੰਡ ਤੋਂ ਮਿਲਣ ਵਾਲਾ ਰਿਟਰਨ

ਜੇਕਰ ਤੁਸੀਂ ਨਿਵੇਸ਼ ਰਕਮ ‘ਚ ਵਧੇਰੇ ਰਿਟਰਨ ਚਾਹੁੰਦੇ ਹੋ, ਤਾਂ ਨਿਵੇਸ਼ ਰਕਮ ਨੂੰ ਡਾਇਵਰਸੀਫਾਈ ਕਰੋ। ਤੁਸੀਂ 4,90,000 ਰੁਪਏ ਦੀ ਨਿਵੇਸ਼ ਰਕਮ ‘ਚੋਂ ਜੇਕਰ ਇਕ ਲੱਖ ਰੁਪਏ ਵੀ ਮਿਊਚਲ ਫੰਡ ‘ਚ ਲਗਾਉਂਦੇ ਹੋ, ਤਾਂ ਇਸ ਨਾਲ ਤੁਹਾਨੂੰ ਖਾਸਾ ਰਿਟਰਨ ਮਿਲਦਾ ਹੈ। ਬਾਕੀ ਦੇ 3,90,000 ਰੁਪਏ ਨੂੰ ਤੁਸੀਂ ਐਨਐਸਸੀ ਸਕੀਮ ‘ਚ ਹੀ ਨਿਵੇਸ਼ ਕਰੋ।

ਉਦਾਹਰਨ ਨਾਲ ਸਮਝੋ

ਨਿਵੇਸ਼ ਰਕਮ: 4,90,000 (1,00,000 – ਮਿਊਚੁਅਲ ਫੰਡ, 3,90,000 ਰੁਪਏ – ਐਨਐਸਸੀ ਸਕੀਮ)

ਰਿਟਰਨ : ਮਿਊਚਲ ਫੰਡ – 12% (ਅਨੁਮਾਨਿਤ) + ਐਨਐਸਸੀ – 7.7% (ਗਾਰੰਟੀ)

ਨਿਵੇਸ਼ ਮਿਆਦ : ਦੋਵਾਂ ‘ਚ 5 ਸਾਲ

ਮੈਚਿਓਰਟੀ : 12,40,959 (ਐਨਐਸਸੀ – 5,65,123 ਰੁਪਏ + ਮਿਊਚਲ ਫੰਡ – 6,75,836)

ਜੇਕਰ ਤੁਹਾਡੇ ਕੋਲ ਨਿਵੇਸ਼ ਲਈ ਕੁੱਲ ਰਕਮ 4,90,000 ਰੁਪਏ ਹੈ। ਇਨ੍ਹਾਂ ਵਿੱਚੋਂ 3,90,000 ਰੁਪਏ ਐਨਐਸਸੀ ਸਕੀਮ ‘ਚ ਨਿਵੇਸ਼ ਕੀਤਾ ਜਾਂਦਾ ਹੈ ਤਾਂ 5 ਸਾਲ ਬਾਅਦ ਤੁਹਾਨੂੰ 5,65,123 ਰੁਪਏ ਮੈਚਿਓਰਿਟੀ ‘ਤੇ ਦਿੱਤੇ ਜਾਣਗੇ। ਇਸ ਤੋਂ ਇਲਾਵਾ, ਜੋ 1 ਲੱਖ ਰੁਪਏ ਤੁਸੀਂ ਮਿਊਚਲ ਫੰਡ ‘ਚ ਨਿਵੇਸ਼ ਕੀਤੇ ਹਨ, 5 ਸਾਲ ਬਾਅਦ ਇਸ ਤੋਂ 6,75,836 ਰੁਪਏ ਮੈਚਿਓਰਿਟੀ ‘ਤੇ ਮਿਲਣਗੇ। ਇਸ ਵਿਚ 12 ਫੀਸਦ ਅਨੁਮਾਨਤ ਰਿਟਰਨ ਮੁਤਾਬਕ ਕੈਲਕੁਲੇਟ ਕੀਤਾ ਗਿਆ ਹੈ। ਇਹ ਰਿਟਰਨ ਬਾਜ਼ਾਰ ਦੇ ਉਤਰਾਅ-ਚੜ੍ਹਾਅ ‘ਤੇ ਨਿਰਭਰ ਕਰਦਾ ਹੈ।