ਕਪੂਰਥਲਾ ‘ਚ ਟਰੇਨ ਦੀ ਲਪੇਟ ‘ਚ ਆਉਣ ਨਾਲ ਨੌਜਵਾਨ ਦੀ ਮੌਤ, ਪਟੜੀਆਂ ‘ਤੇ ਟੁਕੜਿਆਂ ‘ਚ ਮਿਲੀ ਲਾਸ਼; ਨਹੀਂ ਹੋ ਸਕੀ ਪਛਾਣ

ਕਪੂਰਥਲਾ, 30 ਅਪ੍ਰੈਲ-ਕਪੂਰਥਲਾ-ਖੋਜੇਵਾਲ ਰੇਲਵੇ ਲਾਈਨ ‘ਤੇ ਕਾਂਗਰਸ ਏਕਤਾ ਭਵਨ ਦੇ ਪਿੱਛੇ ਬ੍ਰੈੱਡ ਫੈਕਟਰੀ ਨੇੜੇ ਰੇਲਵੇ ਟਰੈਕ ਪਾਰ ਕਰਦੇ ਸਮੇਂ ਇੱਕ ਨੌਜਵਾਨ ਦੀ ਮੌਤ ਹੋ ਗਈ। ਜੀਆਰਪੀ ਨੂੰ ਇਹ ਜਾਣਕਾਰੀ ਮੰਗਲਵਾਰ ਸਵੇਰੇ 05:10 ਵਜੇ ਮਿਲੀ। ਜੀਆਰਪੀ ਨੇ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਕੀਤੀ ਪਰ ਮ੍ਰਿਤਕ ਨੌਜਵਾਨ ਦੀ ਪਛਾਣ ਨਹੀਂ ਹੋ ਸਕੀ। ਇਸ ਤੋਂ ਬਾਅਦ ਲਾਸ਼ ਨੂੰ ਪਛਾਣ ਲਈ 72 ਘੰਟਿਆਂ ਲਈ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰੱਖਿਆ ਗਿਆ ਹੈ। ਜੀਆਰਪੀ ਦੇ ਏਐਸਆਈ ਸ਼ਕੀਲ ਮੁਹੰਮਦ ਨੇ ਦੱਸਿਆ ਕਿ ਮੰਗਲਵਾਰ ਸਵੇਰੇ ਲਗਪਗ 05:10 ਵਜੇ ਜੰਮੂ ਤੋਂ ਜੋਧਪੁਰ ਜਾ ਰਹੀ ਟ੍ਰੇਨ ਨੰਬਰ 19926 ਦੇ ਡਰਾਈਵਰ ਨੇ ਸੂਚਨਾ ਦਿੱਤੀ ਕਿ ਕਪੂਰਥਲਾ-ਖੋਜੇਵਾਲ ਰੇਲਵੇ ਲਾਈਨ ‘ਤੇ ਬਰੈੱਡ ਫੈਕਟਰੀ ਦੇ ਨੇੜੇ ਰੇਲਵੇ ਟਰੈਕ ‘ਤੇ ਇੱਕ ਨੌਜਵਾਨ ਦੀ ਲਾਸ਼ ਪਈ ਹੈ।ਆਰਪੀਐਫ ਏਐਸਆਈ ਹਰਜੀਤ ਸਿੰਘ ਮੌਕੇ ‘ਤੇ ਪਹੁੰਚੇ ਤੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਲਿਆ। ਇਹ ਹਾਦਸਾ ਕਦੋਂ ਤੇ ਕਿਸ ਰੇਲਗੱਡੀ ਨਾਲ ਹੋਇਆ ਇਹ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਜੀਆਰਪੀ ਨੇ ਲਾਸ਼ ਦੀ ਪਛਾਣ ਕਰਨ ਲਈ ਆਸ-ਪਾਸ ਦੇ ਲੋਕਾਂ ਤੋਂ ਪੁੱਛਗਿੱਛ ਕੀਤੀ।