ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਜਾ ਰਹੇ 5 ਦੋਸਤਾਂ ਦੀ ਕਾਰ ਖੱਡ ‘ਚ ਡਿੱਗੀ, 3 ਦੀ ਹਾਲਤ ਗੰਭੀਰ
ਕੁੱਲੂ ਤੋਂ ਬਾਅਦ ਮੰਡੀ 'ਚ ਵੱਡਾ ਹਾਦਸਾ
ਥੁਨਾਗ (ਮੰਡੀ), 1 ਜਨਵਰੀ : ਹਿਮਾਚਲ ਪ੍ਰਦੇਸ਼ ‘ਚ ਕੁੱਲੂ ਤੋਂ ਬਾਅਦ ਮੰਡੀ ‘ਚ ਵੀ ਵੱਡਾ ਹਾਦਸਾ ਵਾਪਰਿਆ ਹੈ। ਸਰਾਜ ਵਿਧਾਨ ਸਭਾ ਖੇਤਰ ‘ਚ ਕਾਂਡਾ ਦੇ ਨੇੜੇ ਨੌਣੀ ਮੋੜ ‘ਤੇ ਇਕ ਨੈਨੋ ਕਾਰ ਖੱਡ ਵਿੱਚ ਜਾ ਡਿੱਗੀ। ਪੰਜ ਦੋਸਤਾਂ ਦੀ ਟੋਲੀ ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਜਾ ਰਹੀ ਸੀ। ਇਸ ਹਾਦਸੇ ਵਿੱਚ ਪੰਜੇ ਦੋਸਤ ਜ਼ਖਮੀ ਹੋ ਗਏ ਹਨ ਅਤੇ ਤਿੰਨ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਇਹ ਹਾਦਸਾ ਵੀਰਵਾਰ ਦੁਪਹਿਰ ਕਰੀਬ 12 ਵਜੇ ਵਾਪਰਿਆ। ਪੁਲਿਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਨੈਨੋ ਕਾਰ (HP 33 E 1463) ਕਾਂਡਾ ਦੇ ਨੇੜੇ ਨੌਣੀ ਮੋੜ ‘ਤੇ ਬੇਕਾਬੂ ਹੋ ਕੇ ਡੂੰਘੀ ਖੱਡ ਵਿੱਚ ਜਾ ਡਿੱਗੀ। ਕਾਰ ਵਿੱਚ ਸਵਾਰ ਤਿੰਨ ਨੌਜਵਾਨ ਅਤੇ ਦੋ ਲੜਕੀਆਂ ਜ਼ਖਮੀ ਹੋ ਗਏ ਹਨ। ਹਾਦਸੇ ਵਿੱਚ ਜ਼ਖਮੀ ਹੋਣ ਵਾਲਿਆਂ ‘ਚ ਤਰੁਣ (19 ਸਾਲ) ਕਾਰ ਚਾਲਕ, ਸਿਮਰਨ (15 ਸਾਲ), ਯਸ਼ਿਕਾ (17 ਸਾਲ), ਆਰੀਅਨ ਰਾਣਾ (18 ਸਾਲ), ਹਿਮਾਂਸ਼ੂ (18 ਸਾਲ) ਆਦਿ ਸ਼ਾਮਲ ਹਨ। ਇਹ ਸਾਰੇ ਦੋਸਤ ਨੇਰਚੌਕ ਦੇ ਆਸ-ਪਾਸ ਦੇ ਰਹਿਣ ਵਾਲੇ ਹਨ।
ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਜਾ ਰਹੇ ਸਨ ਦੋਸਤ
ਬਗਸਿਆਡ ਤੋਂ ਕੀਤੇ ਗਏ ਰੈਫਰ
ਸਥਾਨਕ ਲੋਕਾਂ ਨੇ ਕਾਰ ਨੂੰ ਡਿੱਗਦੇ ਦੇਖਿਆ ਅਤੇ ਤੁਰੰਤ 108 ਐਂਬੂਲੈਂਸ ਨੂੰ ਸੂਚਨਾ ਦਿੱਤੀ। ਇਸ ਤੋਂ ਬਾਅਦ ਜ਼ਖਮੀਆਂ ਨੂੰ ਸਿਵਲ ਹਸਪਤਾਲ ਬਗਸਿਆਡ ਲਿਆਂਦਾ ਗਿਆ, ਜਿੱਥੇ ਉਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਅਗਲੇ ਇਲਾਜ ਲਈ ਉੱਚ ਕੇਂਦਰ ਰੈਫਰ ਕਰ ਦਿੱਤਾ ਗਿਆ ਹੈ।
ਜੰਜੈਹਲੀ ਅਤੇ ਗੋਹਰ ਤੋਂ ਮੰਗਵਾਉਣੀਆਂ ਪਈਆਂ ਐਂਬੂਲੈਂਸਾਂ
ਜ਼ਖਮੀਆਂ ਨੂੰ ਸਿਵਲ ਹਸਪਤਾਲ ਬਗਸਿਆਡ ਲਿਆਂਦਾ ਗਿਆ, ਜਿੱਥੇ ਉਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਜਦੋਂ ਤਿੰਨ ਗੰਭੀਰ ਜ਼ਖਮੀਆਂ ਨੂੰ ਰੈਫਰ ਕਰਨ ਦੀ ਵਾਰੀ ਆਈ ਤਾਂ ਹਸਪਤਾਲ ‘ਚ ਸਿਰਫ਼ ਇੱਕ ਐਂਬੂਲੈਂਸ ਹੋਣ ਕਾਰਨ ਲਗਪਗ 27 ਕਿਲੋਮੀਟਰ ਦੂਰੋਂ ਦੂਜੀ 108 ਐਂਬੂਲੈਂਸ ਮੰਗਵਾਉਣੀ ਪਈ। ਇਸ ਤੋਂ ਇਲਾਵਾ, ਇੱਕ ਹੋਰ ਐਂਬੂਲੈਂਸ 28 ਕਿਲੋਮੀਟਰ ਦੂਰ ਗੋਹਰ ਤੋਂ ਮੰਗਵਾਈ ਗਈ, ਜਿਸ ਨੂੰ ਪਹੁੰਚਣ ਵਿੱਚ ਕਰੀਬ ਇੱਕ ਘੰਟੇ ਦਾ ਸਮਾਂ ਲੱਗ ਗਿਆ।
