ਨਵੀਂ ਦਿੱਲੀ, 25 ਦਸੰਬਰ : ਬੈਂਗਲੁਰੂ ਦੇ ਬਾਸਵੇਸ਼ਵਰਨਗਰ ਇਲਾਕੇ ਵਿੱਚ ਮੰਗਲਵਾਰ ਦੇਰ ਰਾਤ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਵਾਪਰੀ। 28 ਸਾਲਾ ਕਿਰਾਏਦਾਰ ਨੇ ਕਥਿਤ ਤੌਰ ‘ਤੇ ਗੁੱਸੇ ਵਿੱਚ ਆ ਕੇ ਇੱਕ 45 ਸਾਲਾ ਔਰਤ ‘ਤੇ ਪੈਟਰੋਲ ਪਾ ਕੇ ਅੱਗ ਲਗਾ ਦਿੱਤੀ। ਵਜ੍ਹਾ ਸਿਰਫ਼ ਇੰਨੀ ਸੀ ਕਿ ਔਰਤ ਨੇ ਆਪਣੀ ਧੀ ਦਾ ਵਿਆਹ ਉਸ ਨਾਲ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਪੀੜਤ ਔਰਤ ਦਾ ਨਾਂ ਗੀਤਾ ਹੈ, ਜੋ ਇੱਕ ਕਰਿਆਨੇ ਦੀ ਦੁਕਾਨ ਚਲਾਉਂਦੀ ਹੈ। ਉਹ ਇਸ ਵੇਲੇ ਵਿਕਟੋਰੀਆ ਹਸਪਤਾਲ ਵਿੱਚ ਦਾਖਲ ਹੈ ਅਤੇ ਉਸਦੀ ਹਾਲਤ ਬਹੁਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
ਚਾਹ ਦੀ ਦੁਕਾਨ ਚਲਾਉਂਦਾ ਸੀ ਮੁਲਜ਼ਮ
ਪੁਲਿਸ ਨੇ ਮੁਲਜ਼ਮ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਮੁਲਜ਼ਮ ਦਾ ਨਾਂ ਮੁੱਤੂ ਅਭਿਮਨਿਊ ਹੈ, ਜੋ ਗੀਤਾ ਦੇ ਘਰ ਦੇ ਕਿਰਾਏ ਵਾਲੇ ਹਿੱਸੇ ਵਿੱਚ ਚਾਹ ਦੀ ਦੁਕਾਨ ਚਲਾਉਂਦਾ ਸੀ। ਕਿਰਾਏ ਦੇ ਹਿੱਸੇ ਵਿੱਚ ਸਿਰਫ਼ ਇੱਕ ਕਮਰਾ ਅਤੇ ਪਖਾਨਾ ਸੀ ਅਭਿਮਨਿਊ ਨੇ ਗੀਤਾ ਦੀ 19 ਸਾਲਾ ਧੀ ਨਾਲ ਪਿਆਰ ਦਾ ਇਜ਼ਹਾਰ ਕੀਤਾ ਸੀ, ਜੋ ਕਿ ਬੀ.ਬੀ.ਏ. (BBA) ਦੂਜੇ ਸਾਲ ਦੀ ਵਿਦਿਆਰਥਣ ਹੈ। ਜਦੋਂ ਧੀ ਨੇ ਪ੍ਰਸਤਾਵ ਠੁਕਰਾ ਦਿੱਤਾ ਤਾਂ ਅਭਿਮਨਿਊ ਨੇ ਗੀਤਾ ‘ਤੇ ਦਬਾਅ ਪਾਇਆ ਕਿ ਉਹ ਆਪਣੀ ਧੀ ਨੂੰ ਮਨਾਏ ਪਰ ਗੀਤਾ ਨੇ ਵੀ ਸਾਫ਼ ਇਨਕਾਰ ਕਰ ਦਿੱਤਾ।
ਕਿਵੇਂ ਵਾਪਰੀ ਪੂਰੀ ਘਟਨਾਪੁਲਿਸ ਮੁਤਾਬਕ ਮੰਗਲਵਾਰ ਰਾਤ ਕਰੀਬ 1 ਵਜੇ ਅਭਿਮਨਿਊ ਅਤੇ ਗੀਤਾ ਵਿਚਕਾਰ ਇਸੇ ਗੱਲ ਨੂੰ ਲੈ ਕੇ ਝਗੜਾ ਹੋਇਆ। ਗੀਤਾ ਵੱਲੋਂ ਮੁੜ ਇਨਕਾਰ ਕਰਨ ‘ਤੇ ਅਭਿਮਨਿਊ ਭੜਕ ਗਿਆ। ਉਸ ਨੇ ਕੋਲ ਪਈ ਪਾਣੀ ਦੀ ਖਾਲੀ ਬੋਤਲ ਵਿੱਚ ਭਰਿਆ ਪੈਟਰੋਲ ਗੀਤਾ ‘ਤੇ ਪਾ ਦਿੱਤਾ ਅਤੇ ਅੱਗ ਲਗਾ ਦਿੱਤੀ। ਅਭਿਮਨਿਊ ਅਕਸਰ ਐਮਰਜੈਂਸੀ ਲਈ ਅਜਿਹਾ ਪੈਟਰੋਲ ਰੱਖਦਾ ਸੀ। ਗੀਤਾ ਦੀਆਂ ਚੀਕਾਂ ਸੁਣ ਕੇ ਉਸ ਦੀ ਧੀ ਦੌੜੀ ਆਈ ਪਰ ਉਦੋਂ ਤੱਕ ਅਭਿਮਨਿਊ ਮੌਕੇ ਤੋਂ ਫ਼ਰਾਰ ਹੋ ਚੁੱਕਾ ਸੀ।
ਜ਼ਿੰਦਗੀ ਦੀ ਜੰਗ ਲੜ ਰਹੀ ਹੈ ਗੀਤਾਗੁਆਂਢੀਆਂ ਨੇ ਤੁਰੰਤ ਮਦਦ ਕੀਤੀ ਅਤੇ ਗੀਤਾ ਨੂੰ ਹਸਪਤਾਲ ਪਹੁੰਚਾਇਆ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਹ ਬੁਰੀ ਤਰ੍ਹਾਂ ਝੁਲਸ ਗਈ ਹੈ ਅਤੇ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੀ ਹੈ। ਗੀਤਾ ਦੇ ਪਤੀ ਵਿਜੇ ਕੁਮਾਰ ਦੀ ਕੁਝ ਸਾਲ ਪਹਿਲਾਂ ਮੌਤ ਹੋ ਚੁੱਕੀ ਸੀ। ਉਹ ਇੱਕ ਸਿਵਲ ਠੇਕੇਦਾਰ ਸਨ। ਹੁਣ ਗੀਤਾ ਆਪਣੀ ਧੀ ਨਾਲ ਇਕੱਲੀ ਰਹਿੰਦੀ ਸੀ ਅਤੇ ਘਰ ਦਾ ਗੁਜ਼ਾਰਾ ਕਰਦੀ ਸੀ।
