ਪਟਨਾ, 14 ਅਕਤੂਬਰ : 2025 ਦੀਆਂ ਬਿਹਾਰ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਸਿਆਸੀ ਪਾਰਾ ਸਿਖ਼ਰ ‘ਤੇ ਹੈ। ਗਾਇਕਾ ਮੈਥਿਲੀ ਠਾਕੁਰ ਅਧਿਕਾਰਤ ਤੌਰ ‘ਤੇ ਭਾਜਪਾ ਵਿੱਚ ਸ਼ਾਮਲ ਹੋ ਗਈ ਹੈ। ਬਿਹਾਰ ਭਾਜਪਾ ਪ੍ਰਧਾਨ ਦਿਲੀਪ ਜੈਸਵਾਲ ਨੇ ਉਨ੍ਹਾਂ ਨੂੰ ਮੈਂਬਰਸ਼ਿਪ ਦਿੱਤੀ। ਇਸ ਨਾਲ ਇਹ ਸਪੱਸ਼ਟ ਹੋ ਗਿਆ ਕਿ ਮੈਥਿਲੀ ਠਾਕੁਰ ਅਲੀਨਗਰ ਵਿਧਾਨ ਸਭਾ ਸੀਟ ਤੋਂ ਚੋਣ ਲੜੇਗੀ। ਮੈਥਿਲੀ ਠਾਕੁਰ ਦਾ ਜਨਮ 25 ਜੁਲਾਈ, 2000 ਨੂੰ ਹੋਇਆ ਸੀ। ਉਹ ਇਸ ਸਮੇਂ 25 ਸਾਲਾਂ ਦੀ ਹੈ। ਉਹ ਬਿਹਾਰ ਦੇ ਮਧੂਬਨੀ ਤੋਂ ਹੈ, ਪਰ ਕਾਫ਼ੀ ਸਮੇਂ ਤੋਂ ਦਿੱਲੀ ਦੇ ਨਜਫਗੜ੍ਹ ਵਿੱਚ ਰਹਿ ਰਹੀ ਹੈ। ਮੈਥਿਲੀ ਠਾਕੁਰ ਦੇ ਪਿਤਾ ਰਮੇਸ਼ ਠਾਕੁਰ ਹਨ, ਜੋ ਉਸ ਦੇ ਗੁਰੂ ਅਤੇ ਸੰਗੀਤ ਅਧਿਆਪਕ ਵੀ ਹਨ। ਉਸਦੀ ਮਾਂ ਪੂਜਾ ਠਾਕੁਰ ਹੈ। ਮੈਥਿਲੀ ਠਾਕੁਰ ਦੇ ਦੋ ਭਰਾ ਹਨ, ਰਿਸ਼ਭ ਠਾਕੁਰ ਅਤੇ ਅਯਾਚੀ।
