ਅੰਮ੍ਰਿਤਸਰ, 27 ਅਗਸਤ: ਲਗਾਤਾਰ ਮੀਂਹ ਕਾਰਨ ਰਾਵੀ ਅਤੇ ਬਿਆਸ ਦਰਿਆਵਾਂ ਨੇ ਲੋਕਾਂ ਦੀ ਚਿੰਤਾ ਵਧਾ ਦਿੱਤੀ ਹੈ, ਕਿਉਂਕਿ ਦਰਿਆਵਾਂ ਵਿਚ ਮੀਂਹ ਦਾ ਪਾਣੀ ਵਧਣ ਕਾਰਨ ਗੁਆਂਢੀ ਰਾਜਾਂ ਦੇ ਨਾਲ-ਨਾਲ ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਲੋਕਾਂ ਨੂੰ ਪਾਣੀ ਦੀ ਮਾਰ ਝੱਲਣੀ ਪੈ ਰਹੀ ਹੈ। ਜ਼ਿਲ੍ਹਾ ਪ੍ਰਸ਼ਾਸਨ ਵੀ ਹੜ੍ਹ ਵਰਗੀ ਸਥਿਤੀ ਤੋਂ ਲੋਕਾਂ ਨੂੰ ਬਚਾਉਣ ਲਈ ਸੁਰੱਖਿਆ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣ ਵਿਚ ਦਿਨ-ਰਾਤ ਲੱਗਾ ਹੋਇਆ ਹੈ। ਭਾਵੇਂ ਰਾਵੀ ਅਤੇ ਬਿਆਸ ਦਰਿਆ ਵਿਚ ਪਾਣੀ ਦਾ ਪੱਧਰ ਵਧਣ ਕਾਰਨ ਪਾਣੀ ਸਿਰਫ਼ ਖੇਤਾਂ ਤੱਕ ਹੀ ਪਹੁੰਚਿਆ ਹੈ, ਪਰ ਲਗਾਤਾਰ ਮੀਂਹ ਕਾਰਨ ਲੋਕਾਂ ਵਿਚ ਚਿੰਤਾ ਜ਼ਰੂਰ ਹੈ। -ਬਾਕਸ- ‘ਪੰਜਾਬੀ ਜਾਗਰਣ’ ਦੀ ਟੀਮ ਨੇ ਮੰਗਲਵਾਰ ਨੂੰ ਰਾਵੀ ਦਰਿਆ ਦੇ ਕੰਢੇ ਸਥਿਤ ਅਜਨਾਲਾ ਦੇ ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕੀਤਾ ਅਤੇ ਦੇਖਿਆ ਕਿ ਲੋਕ ਮੀਂਹ ਕਾਰਨ ਦਰਿਆ ਦੇ ਵਧ ਰਹੇ ਪਾਣੀ ਦੇ ਪੱਧਰ ਨੂੰ ਲੈ ਕੇ ਚਿੰਤਤ ਹਨ, ਕਿਉਂਕਿ ਅਜਨਾਲਾ ਹੀ ਨਹੀਂ ਸਗੋਂ ਰਾਮਦਾਸ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿਚ ਵੀ ਦਰਿਆ ਦੇ ਵੱਧ ਰਹੇ ਪਾਣੀ ਦੇ ਪੱਧਰ ਕਾਰਨ ਲੋਕ ਪ੍ਰੇਸ਼ਾਨੀ ਮਹਿਸੂਸ ਕਰ ਰਹੇ ਹਨ। ਅਜਨਾਲਾ ਤੋਂ ਲਗਭਗ 9-10 ਕਿਲੋਮੀਟਰ ਦੂਰ ਰਾਵੀ ਦਰਿਆ ਦੇ ਨੇੜੇ ਸ਼ਾਹਪੁਰ ਅਤੇ ਕਮਿਰਪੁਰ ਪਿੰਡਾਂ ਦੇ ਧੁੱਸੀ ਬੰਨ੍ਹ ਤੋਂ ਲੋਕ ਅਜੇ ਵੀ ਖ਼ਤਰੇ ਵਿਚ ਹਨ, ਕਿਉਂਕਿ ਪਾਣੀ ਵੱਧ ਰਿਹਾ ਹੈ, ਜਿਸ ਕਾਰਨ ਦਰਿਆ ਦੇ ਬੰਨ੍ਹ ਲਈ ਲਗਾਏ ਗਏ ਕੁਝ ਪੱਥਰ ਵੀ ਪਾਣੀ ਵਿਚ ਵਹਿ ਗਏ ਹਨ, ਲੋਕ ਦੂਰ-ਦੂਰ ਤੋਂ ਉਨ੍ਹਾਂ ਨੂੰ ਦੇਖਣ ਲਈ ਆ ਰਹੇ ਹਨ। ਜਦੋਂ ਕਿ ਸੀਮਾ ਸੁਰੱਖਿਆ ਬਲ (ਬੀਐੱਸਐੱਫ) ਦੇ ਜਵਾਨ ਲੋਕਾਂ ਨੂੰ ਅੱਗੇ ਜਾਣ ਤੋਂ ਰੋਕਦੇ ਹਨ, ਕਿਉਂਕਿ ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਿਸੇ ਨੂੰ ਨੁਕਸਾਨ ਨਾ ਪਹੁੰਚੇ। -ਬਾਕਸ- ਪਿੰਡ ਸ਼ਾਹਪੁਰ ਦੇ ਸਾਬਕਾ ਪੰਚਾਇਤ ਮੈਂਬਰ ਜਗਜੀਤ ਸਿੰਘ ਨੇ ਕਿਹਾ ਕਿ ਪਿੱਛੇ ਤੋਂ ਆ ਰਿਹਾ ਪਾਣੀ ਦਰਿਆ ਵਿਚ ਹੀ ਆਵੇਗਾ, ਜਿਸ ਨੂੰ ਕੋਈ ਨਹੀਂ ਰੋਕ ਸਕਦਾ। ਜਦੋਂ ਕਿ ਸਾਲ 2013 ਵਿਚ ਉਨ੍ਹਾਂ ਨੂੰ ਅੱਜ ਵਾਂਗ ਹੀ ਸਮੱਸਿਆ ਸੀ, ਕਿਉਂਕਿ ਦਰਿਆ ਦੀ ਚੌੜਾਈ ਇਕ ਸੱਕੀ ਜਿੰਨੀ ਵੀ ਨਹੀਂ ਹੈ। ਭਾਵੇਂ ਦੋ, ਪੰਜ ਜਾਂ ਦਸ ਲੱਖ ਕਿਊਸਿਕ ਪਾਣੀ ਆਵੇ, ਪਾਣੀ ਇੱਥੋਂ ਹੀ ਵਗਦਾ ਰਹੇਗਾ। ਜੇਕਰ ਤੁਸੀਂ ਦਰਿਆ ਵੱਲ ਦੇਖੋ ਤਾਂ ਦੂਜੇ ਪਾਸੇ ਦੀ ਰੇਤ ਵੀ ਧੁੱਸੀ ਦੇ ਬਰਾਬਰ ਹੋ ਗਈ ਹੈ ਤੇ ਰੇਤ ਦਾ ਕੰਢਾ ਨਹੀਂ ਹਟਾਇਆ ਗਿਆ ਹੈ। ਉੱਥੋਂ ਆਉਣ ਵਾਲਾ ਪਾਣੀ ਇੱਥੋਂ ਅੱਗੇ ਜਾਂਦਾ ਹੈ, ਜਿਸ ਦੇ ਦਬਾਅ ਨੇ ਸਾਲ 2013 ਵਿਚ ਧੁੱਸੀ ਨੂੰ ਨੁਕਸਾਨ ਪਹੁੰਚਾਇਆ ਸੀ, ਜਿਸ ਨੂੰ ਦੇਖਣ ਲਈ ਉਸ ਸਮੇਂ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੀ ਆਏ ਸਨ। ਇਸ ਮੌਕੇ ਗੁਰਪ੍ਰੀਤ ਸਿੰਘ, ਬਲਵਿੰਦਰ ਸਿੰਘ, ਅਮਨਦੀਪ ਸਿੰਘ, ਜੋਗਿੰਦਰ ਸਿੰਘ, ਰਾਜਬੀਰ ਸਿੰਘ, ਗਗਨਦੀਪ ਸਿੰਘ, ਪ੍ਰੇਮ ਸਿੰਘ, ਸੋਨੂੰ ਆਦਿ ਮੌਜੂਦ ਸਨ।
