ਧਰਮਪਾਲ ਬਾਂਸਲ ਨੇ ਕਿਹਾ – ਟਰੰਪ ਦੀ ਟੈਰੀਫ ਨੀਤੀ ਨਾਲ ਗਲੋਬਲ ਵਪਾਰ ਵਿੱਚ ਆਇਆ ਵਿਗਾੜ, ਭਾਰਤ ਨੂੰ ਆਤਮਨਿਰਭਰ ਬਣਾਉਣਾ ਸਮੇਂ ਦੀ ਲੋੜ

ਜਸਵਿੰਦਰ ਸਿੰਘ ਸੰਧੂ

ਫਿਰੋਜ਼ਪੁਰ, 7 ਅਗਸਤ: ਸਵਦੇਸ਼ੀ ਜਾਗਰਣ ਮੰਚ ਫਿਰੋਜ਼ਪੁਰ ਵੱਲੋਂ ਅੱਜ ਇੱਕ ਮਹੱਤਵਪੂਰਨ ਪ੍ਰੈਸ ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਮੰਚ ਦੇ ਜ਼ਿਲ੍ਹਾ ਪਾਲਕ ਧਰਮਪਾਲ ਬਾਂਸਲ ਨੇ ਗਲੋਬਲ ਵਪਾਰ, ਭਾਰਤ ਦੀ ਆਰਥਿਕ ਸਥਿਤੀ ਅਤੇ ਸਵਦੇਸ਼ੀ ਆੰਦੋਲਨ ਦੇ ਮਹੱਤਵ ‘ਤੇ ਵਿਚਾਰ ਰੱਖੇ। ਉਨ੍ਹਾਂ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸੁਰੱਖਿਆਤਮਕ ਟੈਰੀਫ ਨੀਤੀ ਦੀ ਸਖਤ ਆਲੋਚਨਾ ਕਰਦਿਆਂ ਕਿਹਾ ਕਿ ਇਸ ਨਾਲ ਦੁਨੀਆ ਭਰ ਦੀ ਵਪਾਰਕ ਵਿਵਸਥਾ ਵਿੱਚ ਗੰਭੀਰ ਅਸੰਤੁਲਨ ਪੈਦਾ ਹੋਇਆ ਹੈ। ਉਨ੍ਹਾਂ ਕਿਹਾ, “ਟਰੰਪ ਦੀ ਟੈਰੀਫ ਨੀਤੀ ਨੇ ‘ਅਮਰੀਕਾ ਫਸਟ’ ਦੇ ਨਾਏ ਹੇਠ ਹੋਰ ਦੇਸ਼ਾਂ ਦੇ ਘਰੇਲੂ ਉਦਯੋਗਾਂ ਨੂੰ ਸਿੱਧਾ ਨੁਕਸਾਨ ਪਹੁੰਚਾਇਆ ਹੈ। ਭਾਰਤ ਵਰਗੇ ਵਿਕਾਸਸ਼ੀਲ ਦੇਸ਼ ਇਸਦਾ ਵੱਡਾ ਸ਼ਿਕਾਰ ਬਣੇ ਹਨ। ਹੁਣ ਸਮਾਂ ਆ ਗਿਆ ਹੈ ਕਿ ਅਸੀਂ ਕੇਵਲ ਗਲੋਬਲ ਮਾਰਕੀਟ ‘ਤੇ ਨਿਰਭਰ ਨਾ ਰਹੀਏ, ਸਗੋਂ ਸਵਦੇਸ਼ੀ ਉਤਪਾਦਨ ਅਤੇ ਆਤਮਨਿਰਭਰਤਾ ਵੱਲ ਠੋਸ ਕਦਮ ਚੁੱਕੀਏ। ਧਰਮਪਾਲ ਬਾਂਸਲ ਨੇ ਦੱਸਿਆ ਕਿ ਭਾਰਤ ਦੀ ਨੌਜਵਾਨ ਪੀੜ੍ਹੀ ਅੱਜ ਬੇਰੋਜ਼ਗਾਰੀ ਦੀ ਸਮੱਸਿਆ ਨਾਲ ਜੂਝ ਰਹੀ ਹੈ। ਜੇਕਰ ਉਨ੍ਹਾਂ ਨੂੰ ਆਤਮਨਿਰਭਰ ਭਾਰਤ ਅਭਿਆਨ ਨਾਲ ਜੋੜਿਆ ਜਾਵੇ ਅਤੇ ਸਥਾਨਕ ਪੱਧਰ ‘ਤੇ ਉਦਯਮਤਾ, ਸਟਾਰਟਅਪ, ਖੇਤੀ-ਅਧਾਰਤ ਉਦਯੋਗ, ਹੱਥਕਲਾਵਾਂ ਅਤੇ ਡਿਜ਼ੀਟਲ ਕਾਰੋਬਾਰ ਵਲ ਪ੍ਰੇਰਿਤ ਕੀਤਾ ਜਾਵੇ, ਤਾਂ ਦੇਸ਼ ਦੀ ਆਰਥਿਕ ਬੁਨਿਆਦ ਮਜ਼ਬੂਤ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਸਵਦੇਸ਼ੀ ਆੰਦੋਲਨ ਸਿਰਫ਼ ਇੱਕ ਨਾਅਰਾ ਨਹੀਂ, ਸਗੋਂ ਆਰਥਿਕ ਅਤੇ ਸੱਭਿਆਚਾਰਕ ਅਭਿਮਾਨ ਦਾ ਪ੍ਰਤੀਕ ਹੈ। ਮੰਚ ਦੀ ਯੋਜਨਾ ਹੈ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਜ਼ਿਲ੍ਹੇ ਦੇ ਨੌਜਵਾਨਾਂ ਨਾਲ ਵਰਕਸ਼ਾਪਾਂ ਕਰਕੇ ਉਨ੍ਹਾਂ ਨੂੰ ‘ਮੇਡ ਇਨ ਇੰਡੀਆ’ ਉਤਪਾਦਾਂ ਨੂੰ ਅਪਣਾਉਣ, ਬਣਾਉਣ ਅਤੇ ਉਨ੍ਹਾਂ ਦਾ ਪ੍ਰਚਾਰ ਕਰਨ ਵਲ ਤਿਆਰ ਕੀਤਾ ਜਾਵੇਗਾ। ਉਨ੍ਹਾਂ ਅਖੀਰ ਵਿੱਚ ਕਿਹਾ ਕਿ ਹੁਣ ਸਵਦੇਸ਼ੀ ਜਾਗਰਣ ਮੰਚ ਦਾ ਲਕੜ ਨਿਰੰਜਨ ਸਿਰਫ਼ ਵਿਦੇਸ਼ੀ ਉਤਪਾਦਾਂ ਦਾ ਬਹਿਸਕਾਰ ਨਹੀਂ, ਸਗੋਂ ਨੌਜਵਾਨਾਂ ਨੂੰ ਸਵਦੇਸ਼ੀ ਅਰਥਵਿਵਸਥਾ ਦਾ ਕੇਂਦਰ ਬਣਾਉਣਾ ਵੀ ਹੈ। ਉਨ੍ਹਾਂ ਕਿਹਾ, “ਹਰੇਕ ਨੌਜਵਾਨ ਨੂੰ ‘ਜੌਬ ਸੀਕਰ’ ਤੋਂ ‘ਜੌਬ ਕਰੀਏਟਰ’ ਬਣਾਉਣ ਵੱਲ ਅਸੀਂ ਪੈਰ ਵਧਾਉਣੇ ਹਨ। ਸਰਕਾਰ ਦੀਆਂ ਯੋਜਨਾਵਾਂ – ਸਟਾਰਟਅਪ ਇੰਡੀਆ, ਮੂਦਰਾ ਯੋਜਨਾ, ਵੋਕਲ ਫਾਰ ਲੋਕਲ – ਤਦ ਹੀ ਸਫਲ ਹੋਣਗੀਆਂ ਜਦੋਂ ਅਸੀਂ ਮਨੋਵਿਗਿਆਨਕ ਤੌਰ ‘ਤੇ ਸਵਦੇਸ਼ੀ ਸੋਚ ਨੂੰ ਅਪਣਾਵਾਂਗੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਭਾਰਤੀ ਮਾਰਕੀਟਾਂ ਵਿੱਚ ਅਜੇ ਵੀ ਚੀਨੀ ਅਤੇ ਅਮਰੀਕੀ ਉਤਪਾਦ ਵੱਡੀ ਮਾਤਰਾ ਵਿੱਚ ਵਿਕ ਰਹੇ ਹਨ, ਜਿਸ ਨਾਲ ਸਾਡੇ ਸਵਦੇਸ਼ੀ ਉਦਯੋਗਾਂ ਨੂੰ ਨੁਕਸਾਨ ਹੋ ਰਿਹਾ ਹੈ ਅਤੇ ਵਿਦੇਸ਼ੀ ਕੰਪਨੀਆਂ ਲਾਭ ਲੈ ਰਹੀਆਂ ਹਨ। ਉਨ੍ਹਾਂ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਹਰ ਖਰੀਦ ਨੂੰ ਰਾਸ਼ਟਰ-ਨਿਰਮਾਣ ਦੀ ਪ੍ਰਕਿਰਿਆ ਵਾਂਗ ਵੇਖਣ ਅਤੇ ਦੇਸ਼ੀ ਉਤਪਾਦਾਂ ਨੂੰ ਤਰਜੀਹ ਦੇਣ। ਪ੍ਰੈਸ ਕਾਨਫਰੰਸ ਦੇ ਅੰਤ ਵਿੱਚ ਧਰਮਪਾਲ ਬਾਂਸਲ ਨੇ ਘੋਸ਼ਣਾ ਕੀਤੀ ਕਿ ਸਵਦੇਸ਼ੀ ਜਾਗਰਣ ਮੰਚ ਫਿਰੋਜ਼ਪੁਰ ਵੱਲੋਂ ਜਲਦ ਹੀ “ਸਵਦੇਸ਼ੀ ਯੁਵਾ ਸਮਾਗਮ” ਕਰਵਾਇਆ ਜਾਵੇਗਾ, ਜਿਸ ਰਾਹੀਂ ਨੌਜਵਾਨਾਂ ਨੂੰ ਸਥਾਨਕ ਸਰੋਤਾਂ ਦੀ ਵਰਤੋਂ ਕਰਕੇ ਆਰਥਿਕ ਤੌਰ ‘ਤੇ ਆਤਮਨਿਰਭਰ ਬਣਨ ਵਲ ਪ੍ਰੇਰਿਤ ਕੀਤਾ ਜਾਵੇਗਾ।