ਹਰਪ੍ਰੀਤ ਸਿੰਘ ਨੇ ਕਾਰਜਸਾਧਕ ਅਫਸਰ ਵਜੋਂ ਸੰਭਾਲਿਆ ਆਪਣਾ ਕਾਰਜਭਾਗ, ਪ੍ਰਧਾਨ ਮਨੀਸ਼ ਗਰਗ ਨੇ ਕੀਤਾ ਨਿੱਘਾ ਸਵਾਗਤ

ਹੁਣ ਹੋ ਜਾਣਗੇ ਭਦੌੜ ਦੇ ਰੁਕੇ ਕੰਮ: ਮਨੀਸ ਗਰਗ

ਨਗਰ ਕੌਂਸਲ ਭਦੌੜ ਦੇ ਪ੍ਰਧਾਨ ਮਨੀਸ ਗਰਗ ਨੇ ਪੰਜਾਬੀ ਜਾਗਰਣ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਲੰਮੇਂ ਸਮੇਂ ਤੋਂ ਭਦੌੜ ਨਗਰ ਕੌਂਸਲ ’ਚ ਕੋਈ ਵੀ ਕਾਰਜ ਸਾਧਕ ਅਫ਼ਸਰ ਪੱਕੇ ਤੌਰ ’ਤੇ ਨਿਯੁਕਤ ਨਹੀਂ ਸੀ। ਕਈ ਕਈ ਦਿਨ ਕਾਰਜ ਸਾਧਕ ਅਫ਼ਸਰ ਦੀ ਕੁਰਸੀ ਖਾਲੀ ਰਹਿਣ ਕਰਕੇ ਭਦੌੜ ਦੇ ਜਿੱਥੇ ਵਿਕਾਸ ਕਾਰਜ ਰੁਕੇ ਹੋਏ ਸਨ, ਉੰਥੇ ਹੀ ਨਗਰ ਕੌਂਸਲ ਦੇ ਰੋਜਾਨਾ ਦੇ ਕੰਮ ਵੀ ਪਛੜ ਕੇ ਹੋ ਰਹੇ ਹਨ। ਨਗਰ ਕੌਂਸਲ ਭਦੌੜ ਨੂੰ ਜਿਲ੍ਹੇ ਦੇ ਹੀ ਕਾਰਜ ਸਾਧਕ ਅਫ਼ਸਰ ਮਿਲਣ ਨਾਲ ਹੁਣ ਜਿੱਥੇ ਰੋਜਾਨਾ ਦੇ ਕੰਮ ਸੌਖੇ ਤਰੀਕੇ ਨਾਲ ਹੋਣਗੇ ਉੱਥੇ ਹੀ ਵਿਕਾਸ ਕਾਰਜਾਂ ਨੂੰ ਕਰਵਾਉਣ ’ਚ ਵੀ ਉਨ੍ਹਾਂ ਦਾ ਅਹਿਮ ਰੋਲ ਰਹੇਗਾ। ਈਓ ਦੀ ਇਸ ਨਿਯੁਕਤੀ ’ਤੇ ਪ੍ਰਧਾਨ ਮਨੀਸ ਗਰਗ, ਸਮੁੱਚੇ ਕੌਂਸਲਰਾਂ ਨੇ ਹੀ ਖੁਸ਼ੀ ਦਾ ਇਤਜਾਹ ਨਹੀਂ ਕੀਤਾ ਸਗੋਂ ਸ਼ਹਿਰ ਵਾਸੀਆਂ ਨੇ ਵੀ ਕੰਮਾਂ ਦੀ ਆਸ ਨੂੰ ਲੈ ਕੇ ਈਓ ਦੀ ਨਿਯੁਕਤੀ ’ਤੇ ਖੁਸ਼ੀ ਪ੍ਰਗਟ ਕੀਤੀ ਹੈ।

ਇਮਾਨਦਾਰੀ ਤੇ ਤੇਜੀ ਨਾਲ ਹੋਣਗੇ ਕੰਮ: ਈਓ ਹਰਪ੍ਰੀਤ ਸਿੰਘ

ਨਗਰ ਕੌਂਸਲ ਤਪਾ ਤੇ ਭਦੌੜ ’ਚ ਨਵ ਨਿਯੁਕਤ ਈਓ ਹਰਪ੍ਰੀਤ ਸਿੰਘ ਨੇ ਪੰਜਾਬੀ ਜਾਗਰਣ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਨੂੰ ਕਰੀਬ ਢਾਈ ਦਹਾਕਿਆਂ ਦਾ ਸਮਾਂ ਫ਼ੀਲਡ ’ਚ ਵਿਚਰਦਿਆਂ ਦਾ ਹੋ ਗਿਆ ਹੈ, ਉਹ ਲੰਮਾਂ ਸਮਾਂ ਬਰਨਾਲਾ ਨਗਰ ਕੌਂਸਲ ’ਚ ਬਤੌਰ ਸੁਪਰਡੈਂਟ ਆਪਣੀਆਂ ਸੇਵਾਵਾਂ ਨਿਭਾਅ ਕੇ ਆਏ ਹਨ। ਉਹ ਕਈ ਜਿਲ੍ਹਿਆਂ ਦੀਆਂ ਨਗਰ ਕੌਂਸਲਾਂ ਸਣੇ ਪਿਛਲੇ ਦੋ ਸਾਲ ਤੋਂ ਭਗਤਾ ਭਾਈਕਾ ਵਿਖੇ ਬਤੌਰ ਸੁਪਰਡੈਂਟ ਡਿਊਟੀ ’ਤੇ ਸਨ। ਸਰਕਾਰ ਵਲੋਂ ਉਨ੍ਹਾਂ ਨੂੰ ਪਦਉੱਨਤ ਕਰਕੇ ਕਾਰਜ ਸਾਧਕ ਅਫ਼ਸਰ ਨਿਯੁਕਤ ਕੀਤਾ ਗਿਆ ਹੈ। ਪੰਜਾਬ ਸਰਕਾਰ ਵਲੋਂ ਹਲਕਾ ਭਦੌੜ ਦੇ ਵਿਧਾਇਕ ਲਾਭ ਸਿੰਘ ਉੱਗੋਕੇ ਵਲੋਂ ਉਨ੍ਹਾਂ ਨੂੰ ਆਪਣੇ ਹਲਕੇ ਅਧੀਨ ਨਗਰ ਕੌਂਸਲ ਤਪਾ ’ਚ ਬਤੌਰ ਕਾਰਜ ਸਾਧਕ ਅਫ਼ਸਰ ਤੇ ਨਗਰ ਕੌਂਸਲ ਭਦੌੜ ਦਾ ਵਾਧੂ ਚਾਰਜ ਦਿੰਦਿਆਂ ਕਾਰਜ ਸਾਧਕ ਅਫ਼ਸਰ ਨਿਯੁਕਤ ਕੀਤਾ ਗਿਆ ਹੈ। ਊਨ੍ਹਾਂ ਕਿਹਾ ਕਿ ਉਹ ਆਪਣੇ ਕੰਮ ਨੂੰ ਬਾਖੂਬੀ ਇਮਾਨਦਾਰੀ ਨਾਲ ਨਿਭਾਉਂਦਿਆਂ ਰੁਕੇ ਕੰਮਾਂ ਨੂੰ ਜਲਦੀ ਸ਼ੁਰੂ ਕਰਨ ਤੇ ਮੱਠੀ ਚਾਲ ਹੋ ਰਹੇ ਵਿਕਾਸ ਕਾਰਜਾਂ ਨੂੰ ਤੇਜੀ ਨਾਲ ਕਰਵਾਉਣਗੇ।