ਅੰਮ੍ਰਿਤਸਰ, 3 ਜੁਲਾਈ : ਰਾਮਤੀਰਥ ਰੋਡ ’ਤੇ ਸਥਿਤ ਆਰਟੀਓ ਦਫਤਰ ਦੀ ਇਮਾਰਤ 70 ਸਾਲ ਪੁਰਾਣੀ ਹੈ, ਜਿਸ ਕਾਰਨ ਵਿਭਾਗ ਵੱਲੋਂ 70 ਸਾਲ ਪੁਰਾਣੀ ਇਮਾਰਤ ਦਫ਼ਤਰ ਦੇ ਕਰਮਚਾਰੀਆਂ ਅਧਿਕਾਰੀਆਂ ਤੇ ਲੋਕਾਂ ਦੀ ਜਾਨ ਨੂੰ ਖ਼ਤਰੇ ਵਿਚ ਪਾ ਕੇ ਕੰਮ ਚਲਾਇਆ ਜਾ ਰਿਹਾ ਹੈ। ਭਾਵੇਂ ਕਿ ਪੰਜਾਬ ਸਰਕਾਰ ਵੱਲੋਂ ਡੀਸੀ ਦਫ਼ਤਰ ਵਿਖੇ ਸਾਰੇ ਹੀ ਵਿਭਾਗ ਚਲੇ ਗਏ ਹਨ ਪਰ ਆਰਟੀਓ ਦਫਤਰ ਦਾਅਵੇ ਵਿਭਾਗ ਲੰਬੇ ਸਮੇਂ ਤੋਂ ਇਸੇ ਖਸਤਾ ਹਾਲਾਤ ਵਿਚ ਬਣੀ ਇਮਾਰਤ ਨੂੰ ਬਾਰ-ਬਾਰ ਨਵੀਨੀਕਰਨ ਕਰਕੇ ਦਫਤਰ ਨੂੰ ਚਲਾਇਆ ਜਾ ਰਿਹਾ ਹੈ। ਇਥੇ ਇਹ ਵੀ ਦੱਸਣਯੋਗ ਹੋਵੇਗਾ ਕਿ ਇਸੇ ਹੀ ਇਮਾਰਤ ਵਿਚ ਸੇਵਾ ਕੇਂਦਰ ਤੇ ਫੂਡ ਸਪਲਾਈ ਵਿਭਾਗ ਦਾ ਦਫਤਰ ਸੀ ਜੋ ਕਿ ਕਰੀਬ 2 ਸਾਲ ਪਹਿਲਾਂ ਹੀ ਡੀਸੀ ਦਫਤਰ ਵਿਚ ਬਣੀ ਨਵੀਂ ਇਮਾਰਤ ਵਿਚ ਸ਼ਿਫਟ ਹੋ ਚੁੱਕਾ ਹੈ। ਜਿਸ ਦਫ਼ਤਰ ਵਿਚ ਆਰਟੀਓ ਦਫ਼ਤਰ ਦੇ ਅਧਿਕਾਰੀ ਤੇ ਕਰਮਚਾਰੀ ਕੰਮ ਕਰਦੇ ਹਨ ਹਨ। ਬਰਸਾਤੀ ਦਿਨਾਂ ਦੇ ਵਿਚ ਛੱਤਾਂ ਤੋਂ ਪਾਣੀ ਟਪਕਦਾ ਹੈ, ਜਿਸ ਕਾਰਨ ਛੱਤਾਂ ਤੋਂ ਕਈ ਵਾਰ ਲੈਂਟਰ ਦੀਆਂ ਪਰਤਾਂ ਡਿੱਗਦੀਆਂ ਹਨ, ਜਿਸ ਨਾਲ ਕਦੇ ਵੀ ਕੋਈ ਹਾਦਸਾ ਵੀ ਵਾਪਰ ਸਕਦਾ ਹੈ।
ਸਟਾਫ ਦੀ ਕਮੀ ਹੋਣ ਕਾਰਨ ਪੰਜ ਕਲਰਕਾਂ ’ਤੇ ਵਾਧੂ ਬੋਝ
ਆਰਟੀਓ ਦਫ਼ਤਰ ਦੀ ਗੱਲ ਕੀਤੀ ਜਾਵੇ ਤਾਂ ਪੰਜਾਬ ਸਰਕਾਰ ਦੇ ਦਿਸ਼ਾਂ ਨਿਰਦੇਸ਼ਾਂ ਤਹਿਤ ਲੋਕਾਂ ਦੇ ਕੰਮ ਪਹਿਲ ਦੇ ਆਧਾਰ ’ਤੇ ਕਰਨ ਲਈ ਕਰਨ ਲਈ ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੂੰ ਹਦਾਇਤਾਂ ਵੀ ਜਾਰੀ ਕੀਤੀਆਂ ਗਈਆਂ ਹਨ ਪਰ ਆਰਟੀਓ ਦਫ਼ਤਰ ਵਿਚ ਪੰਜ ਕਲਰਕ ਹਨ ਜਿੰਨਾਂ ਵਿਚ ਇਕ ਮਹਿਲਾ ਕਰਮਚਾਰੀ ਬਿਮਾਰ ਹੋਣ ਕਾਰਨ ਛੁੱਟੀ ’ਤੇ ਹੈ। ਕਰਮਚਾਰੀਆਂ ਦੀ ਗਿਣਤੀ ਘੱਟ ਹੋਣ ਕਾਰਨ ਚਾਰ ਕਲਰਕਾਂ ’ਤੇ ਵਾਧੂ ਬੋਝ ਪਾ ਕੇ ਲੋਕਾਂ ਦੇ ਕੰਮ ਪਹਿਲ ’ਤੇ ਅਧਾਰ ’ਤੇ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇੱਥੇ ਇਹ ਦੱਸਣਯੋਗ ਹੈ ਕਿ ਜੇਕਰ ਕਰਮਚਾਰੀਆਂ ਦੀ ਕਮੀ ਹੋਵੇਗੀ ਤਾਂ ਕਲਰਕਾਂ ’ਤੇ ਵਾਧੂ ਬੋਝ ਪਾ ਕੇ ਜੇਕਰ ਕੰਮ ਕਰਵਾਇਆ ਜਾਵੇਗਾ ਤਾਂ ਸੁਭਾਵਿਕ ਹੀ ਹੈ ਕਿ ਲੋਕਾਂ ਦੇ ਕੰਮ ਹੋਣ ਵਿਚ ਦੇਰੀ ਜਰੂਰ ਹੋਵੇਗੀ। ਪਾਰਟੀ ਉਹ ਦਫਤਰ ਵਿਖੇ ਕੰਮ ਕਰਾਉਣ ਆਏ ਲੋਕਾਂ ਨੇ ਆਪਣਾ ਨਾਮ ਨਾ ਲਿਖਣ ਦੀ ਸੂਰਤ ਵਿਚ ਦੱਸਿਆ ਕਿ ਪੰਜਾਬ ਸਰਕਾਰ ਤੇ ਟਰਾਂਸਪੋਰਟ ਵਿਭਾਗ ਨੂੰ ਚਾਹੀਦਾ ਹੈ ਕਿ ਲੋਕਾਂ ਦੇ ਕੰਮ ਬਿਨਾਂ ਦੇਰੀ ਤੋਂ ਕਰਵਾਉਣ ਲਈ ਸਭ ਤੋਂ ਪਹਿਲਾਂ ਆਰਟੀਓ ਦਫਤਰ ਵਿਖੇ ਕਲਰਕਾਂ ਦੀ ਪੂਰਤੀ ਕਰਨੀ ਚਾਹੀਦੀ ਹੈ ਤਾਂ ਜੋ ਲੋਕਾਂ ਦੇ ਕੰਮ ਬਿਨਾਂ ਕਿਸੇ ਦੇਰੀ ਤੋਂ ਹੋ ਸਕਣ। ਕਿਉਂਕਿ ਜਦੋਂ ਇਕ ਕਲਰਕ ਕੋਲ ਜਿਆਦਾ ਕੰਮ ਹੋਣਗੇ ਤਾਂ ਉਹ ਇਕ ਸਮੇਂ ਵਿਚ ਕਿਹੜਾ ਕੰਮ ਪਹਿਲ ਦੇ ਅਧਾਰ ’ਤੇ ਕਰ ਸਕੇਗਾ। ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਜਿਸ ਕਲਰਕ ਕੋਲ ਜਿਆਦਾ ਕੰਮ ਹੋਣਗੇ ਤਾਂ ਉਸ ਨੂੰ ਕੋਰਟ ਦੇ ਕੇਸਾਂ ਵਿਚ ਅਦਾਲਤ ਵਿਚ ਵੀ ਜਾਣਾ ਪੈਂਦਾ ਹੈ।
ਆਰਟੀਓ ਦਫ਼ਤਰ ਨੂੰ ਸ਼ਿਫਟ ਕਰਨ ਲਈ ਡੀਸੀ ਨਾਲ ਕੀਤੀ ਜਾਵੇਗੀ ਗੱਲ
ਰਾਮਤੀਰਥ ਰੋਡ ’ਤੇ ਸਥਿਤ 70 ਸਾਲ ਪੁਰਾਣੀ ਇਮਾਰਤ ਵਿਚ ਚੱਲ ਰਹੇ ਆਰਟੀਓ ਦਫ਼ਤਰ ਦੇ ਮਾਮਲੇ ਵਿਚ ਟ੍ਰਾਂਸਪੋਰਟ ਕੈਬਨਿਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ 70 ਸਾਲ ਪੁਰਾਣੀ ਇਮਾਰਤ, ਇੰਨੀ ਪੁਰਾਣੀ ਬਿਲਡਿੰਗ ਵਿਚ ਤਾਂ ਕਦੇ ਵੀ ਕੰਮ ਨਹੀਂ ਕੀਤਾ ਜਾ ਸਕਦਾ ਤੇ ਉਹ ਵੀ ਸਰਕਾਰੀ ਦਫਤਰ ਹੋਵੇ। ਇਸ ਦਫਤਰ ਨੂੰ ਸ਼ਿਫਟ ਕਰਨ ਲਈ ਉਹ ਡੀਸੀ ਅੰਮ੍ਰਿਤਸਰ ਨਾਲ ਗੱਲ ਕਰਨਗੇ। ਦੂਸਰੇ ਪਾਸੇ ਜਦੋਂ ਆਰਟੀਓ ਦਫ਼ਤਰ ਵਿਖੇ ਕਰਮਚਾਰੀਆਂ ਦੀ ਘਾਟ ਦੀ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਨਵੀਂ ਕੰਪਨੀ ਦੇ ਕਰਮਚਾਰੀ ਜਲਦ ਹੀ ਤਾਇਨਾਤ ਹੋਣਗੇ ਜਿਸ ਨਾਲ ਲੋਕਾਂ ਨੂੰ ਕੰਮ ਕਰਾਉਣ ਵਿਚ ਆ ਰਹੀਆਂ ਪ੍ਰੇਸ਼ਾਨੀਆਂ ਤੋਂ ਜਲਦ ਹੀ ਨਿਜਾਤ ਮਿਲ ਜਾਵੇਗੀ।
URL Copied
