ਲੜਕੀ ਦੀ ਪਹਿਲਾਂ ਬਣਾਈ ਨਹਾਉਂਦੀ ਦੀ ਵੀਡੀਓ, ਫਿਰ ਕੀਤਾ ਬਲੈਕਮੇਲ

ਤਰਨਤਾਰਨ, 27 ਮਈ- ਤਰਨਤਾਰਨ ਜ਼ਿਲ੍ਹੇ ਦੇ ਇਕ ਪਿੰਡ ਦੀ 26 ਸਾਲਾ ਕੁੜੀ ਨੂੰ ਉਸਦੀ ਨਹਾਉਂਦੇ ਸਮੇਂ ਦੀ ਵੀਡੀਓ ਦਿਖਾਉਣ ਅਤੇ ਫਿਰ ਬੇਹੋਸ਼ੀ ਦੀ ਹਾਲਤ ਵਿਚ ਕਿਤੇ ਲਿਜਾ ਕੇ ਕਰੀਬ ਇਕ ਹਫਤਾ ਅਣਦੱਸੀ ਥਾਂ ’ਤੇ ਰੱਖਣ ਦੇ ਕਥਿਤ ਦੋਸ਼ ਹੇਠ ਥਾਣਾ ਸਦਰ ਪੱਟੀ ਦੀ ਪੁਲਿਸ ਨੇ ਇਕ ਜਣੇ ਖਿਲਾਫ ਕੇਸ ਦਰਜ ਕੀਤਾ ਹੈ। ਉਕਤ ਲੜਕੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਸੁਖਰਾਜ ਸਿੰਘ ਨਾਮਕ ਲੜਕਾ 16 ਮਈ ਦੀ ਦੁਪਹਿਰ ਕਰੀਬ 12 ਵਜੇ ਉਸਦੇ ਘਰ ਆਇਆ। ਉਹ ਉਸ ਸਮੇਂ ਘਰ ਵਿਚ ਇਕੱਲੀ ਸੀ। ਸੁਖਰਾਜ ਸਿੰਘ ਨੇ ਉਸ ਨੂੰ ਉਸਦੇ ਨਹਾਉਂਦੇ ਦੀ ਵੀਡੀਓ ਦਿਖਾਈ ਅਤੇ ਕਿਹਾ ਕਿ ਉਹ ਉਸਦੇ ਨਾਲ ਚੱਲੇ ਨਹੀਂ ਤਾਂ ਉਹ ਵੀਡੀਓ ਵਾਇਰਲ ਕਰ ਦੇਵੇਗਾ। ਉਸਦੀ ਗੱਲ ਸੁਣ ਕੇ ਉਹ ਇਕਦਮ ਬੇਹੋਸ਼ ਹੋ ਗਈ। ਉਹ ਉਸ ਨੂੰ ਕਿਸ ਵਾਹਨ ਅਤੇ ਕਿੱਥੇ ਲੈ ਕੇ ਗਿਆ, ਉਸ ਨੂੰ ਕੁਝ ਪਤਾ ਨਾ ਲੱਗਾ। 23 ਮਈ ਨੂੰ ਸੁਖਰਾਜ ਸਿੰਘ ਉਸ ਨੂੰ ਪਿੰਡ ਦੇ ਬਾਹਰ ਛੱਡ ਗਿਆ। ਉਕਤ ਸ਼ਿਕਾਇਤ ਦੇ ਅਧਾਰ ’ਤੇ ਸੁਖਰਾਜ ਸਿੰਘ ਨੂੰ ਕੇਸ ਵਿਚ ਨਾਮਜ਼ਦ ਕਰ ਲਿਆ ਗਿਆ ਹੈ ਅਤੇ ਇਸ ਮਾਮਲੇ ਦੀ ਅਘਲੀ ਜਾਂਚ ਸਬ ਇੰਸਪੈਟਰ ਮਨਪ੍ਰੀਤ ਕੌਰ ਵੱਲੋਂ ਕੀਤੀ ਜਾ ਰਹੀ ਹੈ।