ਫਲਾਈਟ ਦੇ ਟਾਇਲਟ ‘ਚ ਚਿੱਠੀ ਮਿਲਣ ‘ਤੇ ਮਚੀ ਤਰਥੱਲੀ, ਏਅਰ ਇੰਡੀਆ ਦਾ ਜਹਾਜ਼ ਵਾਪਸ ਪਰਤਿਆ ਮੁੰਬਈ; ਕੀ ਹੈ ਮਾਜਰਾ

ਨਵੀਂ ਦਿੱਲੀ, 10 ਮਾਰਚ-ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਸੋਮਵਾਰ ਸਵੇਰੇ ਬੰਬ ਦੀ ਧਮਕੀ ਦੇ ਬਾਅਦ ਮੁੰਬਈ ਤੋਂ ਨਿਊਯਾਰਕ ਜਾਣ ਵਾਲੀ ਏਅਰ ਇੰਡੀਆ ਦੀ ਉਡਾਣ ਮੁੜ ਮੁੰਬਈ ਵਾਪਸ ਆ ਗਈ ਹੈ।
ਏਅਰ ਇੰਡੀਆ ਦਾ ਬਿਆਨ

ਏਅਰ ਇੰਡੀਆ ਨੇ ਇੱਕ ਬਿਆਨ ਵਿੱਚ ਕਿਹਾ, “ਅੱਜ 10 ਮਾਰਚ 2025 ਨੂੰ ਮੁੰਬਈ-ਨਿਊਯਾਰਕ (ਜੇਐਫਕੇ) ਉਡਾਣ ਭਰਨ ਵਾਲੀ ਏਆਈ119 ਵਿੱਚ ਉਡਾਣ ਦੌਰਾਨ ਸੰਭਾਵਿਤ ਸੁਰੱਖਿਆ ਖਤਰੇ ਦਾ ਪਤਾ ਲੱਗਾ। ਲਾਜ਼ਮੀ ਪ੍ਰੋਟੋਕੋਲ ਦੀ ਪਾਲਣਾ ਕਰਨ ਤੋਂ ਬਾਅਦ, ਜਹਾਜ਼ ਵਿੱਚ ਸਵਾਰ ਸਾਰੇ ਲੋਕਾਂ ਦੀ ਸੁਰੱਖਿਆ ਦੇ ਹਿੱਤ ਵਿੱਚ ਜਹਾਜ਼ ਨੂੰ ਮੁੜ ਮੁੰਬਈ ਲਿਆਇਆ ਗਿਆ।” ਸੂਤਰਾਂ ਨੇ ਦੱਸਿਆ ਕਿ ਜਹਾਜ਼ ਵਿੱਚ ਬੰਬ ਹੋਣ ਦੀ ਧਮਕੀ ਦਿੱਤੀ ਗਈ ਸੀ ਅਤੇ ਜਹਾਜ਼ ਦੇ ਇੱਕ ਟਾਇਲਟ ਵਿੱਚ ਇੱਕ ਨੋਟ ਮਿਲਿਆ ਸੀ। ਇੱਕ ਸੂਤਰ ਨੇ ਦੱਸਿਆ ਕਿ ਬੋਇੰਗ 777-300 ਈਆਰ ਜਹਾਜ਼ ਵਿੱਚ 119 ਕ੍ਰੂ ਮੈਂਬਰਾਂ ਸਮੇਤ 322 ਲੋਕ ਸਵਾਰ ਸਨ।