ਪੰਜਾਬ ‘ਚ ਲਗਾਤਾਰ ਵਧ ਰਹੀਆਂ ਸ਼ਿਕਾਇਤਾਂ, ਬੰਦ ਬਿਜਲੀ ਮੁੜ ਚਾਲੂ ਕਰਨ ਲਈ ਲੱਗ ਰਿਹਾ 3 ਘੰਟੇ ਦਾ ਸਮਾਂ; ਸਿਰਫ਼ ਲੁਧਿਆਣਾ ਵਾਸੀਆਂ ਨੂੰ ਰਾਹਤ

ਲੁਧਿਆਣਾ ਪੱਛਮੀ ’ਚ ਤੇਜ਼ੀ ਨਾਲ ਠੀਕ ਹੋ ਰਹੀ ਬਿਜਲੀ

ਅੰਕੜਿਆਂ ਅਨੁਸਾਰ ਬਾਰਡਰ ਜ਼ੋਨ ਅਧੀਨ ਅੰਮ੍ਰਿਤਸ਼ਰ ਸ਼ਹਿਰੀ, ਗੁਰਦਾਸਪੁਰ, ਸਬ ਅਰਬਨ, ਤਰਨ ਤਾਰਨ ਤੋਂ ਐਤਵਾਰ ਨੂੰ ਕੁੱਲ 12907 ਸ਼ਿਕਾਇਤਾਂ ਮਿਲੀਆਂ ਜਿਨ੍ਹਾਂ ਨੂੰ ਠੀਕ ਕਰਨ ਵਿਚ 2 ਘੰਟੇ 16 ਮਿੰਟ ਦਾ ਔਸਤਨ ਸਮਾਂ ਲੱਗਿਆ ਹੈ। ਇਸੇ ਤਰ੍ਹਾ ਸੈਂਟਲਰ ਜ਼ੋਨ ਅਧੀਨ ਪੂਰਬੀ ਲੁਧਿਆਣਾ, ਪੱਛਮੀ ਲੁਧਿਆਣਾ, ਖੰਨਾ ਤੇ ਸਬ ਅਰਬਨ ਲੁਧਿਆਣਾ ਤੋਂ ਕੁੱਲ 34,515 ਸ਼ਿਕਾਇਤਾਂ ਮਿਲੀਆਂ ਜਿਨ੍ਹਾਂ ਵਿਚੋਂ 31678 ਦਾ ਨਿਪਟਾਰਾ ਕਰਨ ਲਈ ਔਸਤਨ 2 ਘੰਟੇ 16 ਮਿੰਟ ਦਾ ਸਮਾਂ ਲੱਗਿਆ ਹੈ। ਉਕਤ ਦੋਵੇਂ ਜ਼ੋਨਾਂ ਵਿਚ ਸਭ ਤੋਂ ਵੱਧ ਸ਼ਿਕਾਇਤਾਂ ਲੁਧਿਆਣਾ ਪੱਛਮੀ ਤੋਂ ਦਰਜ ਹੋਈਆਂ ਤੇ ਸਭ ਤੋਂ ਵੱਧ ਤੇਜ਼ੀ ਨਾਲ ਠੀਕ ਵੀ ਹੋਈਆਂ ਹਨ। ਲੁਧਿਆਣਾ ਵੈਸਟ ਦੀਆਂ 16733 ਸ਼ਿਕਾਇਤਾਂ ਵਿਚੋਂ 15609 ਦਾ ਨਿਪਟਾਰਾ ਕਰਨ ਲਈ 1 ਘੰਟੇ 57 ਮਿੰਟ ਵਿਚ ਹੋਇਆ ਜਦੋਂਕਿ ਬਾਕੀ ਇਲਾਕਿਆਂ ਵਿਚ ਬਿਜਲੀ ਠੀਕ ਕਰਨ ਲਈ 2 ਘੰਟੇ 23 ਮਿੰਟ ਤੋਂ ਲੈ ਕੇ 2 ਘੰਟੇ 41 ਮਿੰਟ ਦਾ ਸਮਾਂ ਲੱਗਿਆ ਹੈ।

ਪਟਿਆਲਾ ਦੇ ਆਸ-ਪਾਸ ਇਲਾਕਿਆਂ ’ਚ

ਪ੍ਰਾਪਤ ਅੰਕੜਿਆਂ ਅਨੁਸਾਰ ਪੀਐੱਸਪੀਸੀਐੱਲ ਦੇ ਨੋਰਥ ਜ਼ੋਨ ਅਧੀਨ ਹੁਸ਼ਿਆਰਪੁਰ, ਜਲੰਧਰ, ਕਪੂਰਥਲਾ, ਤੇ ਨਵਾਂਸ਼ਹਿਰ ਤੋਂ ਕੁੱਲ 18010 ਸ਼ਿਕਾਇਤਾਂ ਮਿਲੀਆਂ ਜਿਨ੍ਹਾਂ ਵਿਚੋਂ 17104 ਦਾ ਟਿਪਟਾਰਾ ਕੀਤਾ ਗਿਆ ਤੇ ਬਾਕੀ ’ਤੇ ਕੰਮ ਜਾਰੀ ਰਿਹਾ। ਇਨਾਂ ਸ਼ਿਕਾਇਤਾਂ ਨੂੰ ਠੀਕ ਕਰਨ ਲਈ ਔਸਤਨ 2.53 ਘੰਟੇ ਦਾ ਸਮਾਂ ਲੱਗਿਆ ਹੈ। ਸਾਊਥ ਜ਼ੋਨ ਅਧੀਨ ਬਰਨਾਲਾ, ਮੋਹਾਲੀ, ਪਟਿਆਲਾ, ਰੋਪੜ ਤੇ ਸੰਗਰੂਰ ਤੋਂ ਕੁੱਲ 35715 ਸ਼ਿਕਾਇਤਾਂ ਦਰਜ ਹੋਈਆਂ। ਇਨ੍ਹਾਂ ਵਿਚੋਂ 30924 ਦਾ ਨਿਪਟਾਰਾ ਔਸਤਨ 4.35 ਘੰਟੇ ਵਿਚ ਹੋਇਆ ਹੈ। ਵੈਸਟ ਜ਼ੋਨ ਅਧੀਨ ਬਠਿੰਡਾ, ਫਰੀਦਕੋਟ, ਫਿਰੋਜ਼ਪੁਰ ਤੇ ਮੁਕਤਸਰ ਸਾਹਿਬ ਤੋਂ ਕੁੱਲ 12303 ਸ਼ਿਕਾਇਤਾਂ ਮਿਲੀਆਂ, ਇਨ੍ਹਾਂ ਵਿਚੋਂ 11081 ਸ਼ਿਕਾਇਤਾਂ ਦਾ ਨਿਪਟਾਰਾ ਕਰਨ ਲਈ ਔਸਤ 6.35 ਘੰਟੇ ਦਾ ਸਮਾਂ ਲੱਗਿਆ ਹੈ।

ਕੁੱਲ ਸ਼ਿਕਾਇਤਾਂ : 1,13,450

ਨਿਪਟਾਰਾ : 1,02,865

ਠੀਕ ਕਰਨ ’ਚ ਔਸਤਨ ਸਮਾਂ : 3 ਘੰਟੇ :03 ਮਿੰਟ

ਇਲਾਕਾ : ਕੁੱਲ ਸ਼ਿਕਾਇਤਾਂ : ਨਿਪਟਾਰਾ : ਸਮਾਂ (ਔਸਤਨ)

ਪੂਰਬੀ ਲੁਧਿਆਣਾ : 11,761 : 10387 : 02:25

ਪੱਛਮੀ ਲੁਧਿਆਣਾ : 16733 : 15609 : 01:57

ਖੰਨਾ : 2960 : 2749 : 02.57

ਸਬ ਅਰਬਨ ਲੁਧਿਆਣਾ : 3061 : 2933 : 02.41