BLA ਹਮਲੇ ਕਾਰਨ ਹਿੱਲ ਗਿਆ ਪਾਕਿਸਤਾਨ, ਫੌਜ ਦੇ ਕਾਫਲੇ ‘ਤੇ ਆਤਮਘਾਤੀ ਹਮਲੇ ਦੀ ਵੀਡੀਓ ਆਈ ਸਾਹਮਣੇ; ਹੋਇਆ ਸੀ ਜ਼ੋਰਦਾਰ ਧਮਾਕਾ
ਨਵੀਂ ਦਿੱਲੀ, 17 ਮਾਰਚ-ਬਲੋਚ ਬਗਾਵਤੀ ਗਰੁੱਪ ਨੇ ਪਹਿਲੀ ਵਾਰ ਪਾਕਿਸਤਾਨ ਵਿਚ ਟ੍ਰੇਨ ਹਾਈਜੈਕ ਕਰਨ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਸੀ। ਇਸ ਤੋਂ ਬਾਅਦ, ਬਲੋਚ ਬਗਾਵਤੀਆਂ ਨੇ ਪਾਕਿਸਤਾਨੀ ਫੌਜ ਦੇ ਕਾਫਲੇ ‘ਤੇ ਹਮਲਾ ਕਰਕੇ ਪੰਜ ਲੋਕਾਂ ਨੂੰ ਮਾਰ ਦਿੱਤਾ ਸੀ। ਇਸ ਹਮਲੇ ਦੀ ਵੀਡੀਓ ਖੁਦ ਬਲੋਚ ਬਗਾਵਤੀਆਂ ਨੇ ਜਾਰੀ ਕੀਤੀ ਹੈ। ਬਲੋਚ ਬਗਾਵਤੀਆਂ ਨੇ ਬਲੋਚਿਸਤਾਨ ਦੇ ਨੋਸ਼ਕੀ ਵਿਚ ਇਕ ਹਾਈਵੇ ‘ਤੇ ਇਸ ਹਮਲੇ ਨੂੰ ਅੰਜਾਮ ਦਿੱਤਾ ਸੀ। ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ (BLA) ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ ਅਤੇ ਇਸ ਦੀ ਵੀਡੀਓ ਵੀ ਜਾਰੀ ਕੀਤੀ ਹੈ। ਵੀਡੀਓ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਇਕ ਧਮਾਕੇ ਤੋਂ ਬਾਅਦ ਇਕ ਬੱਸ ਵਿੱਚੋਂ ਧੂੰਆਂ ਨਿਕਲ ਰਿਹਾ ਹੈ।ਪਾਕਿਸਤਾਨ ਦੇ ਇਕ ਪੁਲਿਸ ਅਧਿਕਾਰੀ ਨੇ ਹਮਲੇ ਬਾਰੇ ਦੱਸਿਆ ਕਿ ਘਟਨਾ ਸਥਾਨ ਤੋਂ ਮਿਲੇ ਸਬੂਤਾਂ ਤੋਂ ਪਤਾ ਲੱਗਦਾ ਹੈ ਕਿ ਆਤਮਘਾਤੀ ਹਮਲਾਵਰ ਨੇ ਧਮਾਕੇ ਨਾਲ ਭਰੇ ਵਾਹਨ ਨੂੰ ਕਾਫਲੇ ਵਿਚ ਵਾੜ ਦਿੱਤਾ ਸੀ।ਨਿਊਜ਼ ਏਜੰਸੀ ਪੀਟੀਆਈ ਦੀ ਰਿਪੋਰਟ ਮੁਤਾਬਕ ਪੁਲਿਸ ਅਧਿਕਾਰੀ ਨੇ ਦੱਸਿਆ, ‘ਧਮਾਕੇ ਤੋਂ ਬਾਅਦ ਕੁਝ ਹੋਰ ਅੱਤਵਾਦੀਆਂ ਨੇ ਐਫਸੀ ਕਰਮਚਾਰੀਆਂ ‘ਤੇ ਗੋਲੀਆਂ ਚਲਾਈਆਂ ਸਨ। ਪਰ ਜਵਾਬੀ ਗੋਲੀਬਾਰੀ ਵਿਚ ਦੋ ਅੱਤਵਾਦੀ ਮਾਰੇ ਗਏ। ਹਮਲੇ ਵਿਚ ਤਿੰਨ ਸਿਪਾਹੀ ਅਤੇ ਦੋ ਨਾਗਰਿਕ ਵੀ ਮਾਰੇ ਗਏ ਹਨ।’
36 ਘੰਟਿਆਂ ਤੱਕ ਟ੍ਰੇਨ ਨੂੰ ਕੀਤਾ ਸੀ ਹਾਈਜੈਕ
ਇਸ ਹਮਲੇ ਤੋਂ ਪਹਿਲਾਂ ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ (ਬੀਐਲਏ) ਨੇ ਕਵੇਟਾ ਵਿਚ ਜਾਫਰ ਐਕਸਪ੍ਰੈਸ ਟ੍ਰੇਨ ਨੂੰ ਹਾਈਜੈਕ ਕਰ ਲਿਆ ਸੀ। ਆਮ ਲੋਕਾਂ ਦੇ ਨਾਲ-ਨਾਲ ਫੌਜ ਦੇ ਜਵਾਨਾਂ ਨੂੰ 36 ਘੰਟਿਆਂ ਤੱਕ ਬੰਧਕ ਬਣਾਕੇ ਰੱਖਿਆ ਗਿਆ ਸੀ।
