ਅੰਮ੍ਰਿਤਸਰ, 9 ਜੁਲਾਈ : 22 ਮਾਰਚ 2021 ਨੂੰ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਕੰਪਲੈਕਸ ਦੀਆਂ ਇਮਾਰਤਾਂ ’ਤੇ ਸੋਲਰ ਸਿਸਟਮ ਲਗਾਉਣ ਦੇ ਫ਼ੈਸਲੇ ਤੋਂ ਬਾਅਦ ਯੂਨਾਈਟਿਡ ਸਿੱਖ ਮਿਸ਼ਨ ਕੈਲੀਫੋਰਨੀਆ ਅਤੇ ਸਿੱਖ ਲੈਨਜ਼ ਫਾਊਂਡੇਸ਼ਨ ਕੈਲੀਫੋਰਨੀਆ ਵੱਲੋਂ ਸੋਲਰ ਸਿਸਟਮ ਨੂੰ ਸਥਾਪਿਤ ਕੀਤਾ ਗਿਆ। ਅੰਕੜਿਆਂ ਮੁਤਾਬਕ ਸ੍ਰੀ ਹਰਿਮੰਦਰ ਸਾਹਿਬ ਲਈ ਖਪਤ ਹੋ ਰਹੀ ਬਿਜਲੀ ‘ਚੋਂ ਤਕਰੀਬਨ 8 ਤੋਂ 10 ਪ੍ਰਤੀਸ਼ਤ ਸੋਲਰ ਪੈਨਲ ਤੋਂ ਬਿਜਲੀ ਮਿਲ ਰਹੀ ਹੈ। ਯੂਨਾਈਟਡ ਸਿੱਖ ਮਿਸ਼ਨ ਅਮਰੀਕਾ ਦੇ ਮੁਖੀ ਰਛਪਾਲ ਸਿੰਘ ਢੀਂਡਸਾ ਦੀ ਟੀਮ ਵੱਲੋਂ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਕੰਪਲੈਕਸ ’ਚ 26 ਅਕਤੂਬਰ 2021 ਨੂੰ 525 ਕਿਲੋਵਾਟ, ਬੀੜ ਬਾਬਾ ਬੁੱਢਾ ਸਾਹਿਬ ਝਬਾਲ ਵਿਖੇ 18 ਨਵੰਬਰ 2021 ਨੂੰ 600 ਕਿਲੋਵਾਟ ਅਤੇ ਗੁਰਦੁਆਰਾ ਬਾਬਾ ਦੀਪ ਸਿੰਘ ਜੀ ਸ਼ਹੀਦ ਵਿਖੇ 28 ਫਰਵਰੀ 2022 ਨੂੰ 78 ਕਿਲੋਵਾਟ ਸੋਲਰ ਪੈਨਲ ਸਥਾਪਿਤ ਕੀਤੇ ਗਏ। ਕੁੱਲ 1.2 ਮੈਗਾਵਾਟ ਸੋਲਰ ਪੈਨਲਾਂ ਰਾਹੀਂ ਸ਼੍ਰੋਮਣੀ ਕਮੇਟੀ ਨੂੰ ਇਕ ਕਰੋੜ ਰੁਪਏ ਦੇ ਕਰੀਬ ਬਿਜਲੀ ਦੇ ਬਿੱਲ ਵਿਚ ਕਟੌਤੀ ਮਿਲੀ ਹੈ। ਤਿੰਨ ਸਾਲਾਂ ’ਚ ਤਕਰੀਬਨ ਤਿੰਨ ਕਰੋੜ ਤੋਂ ਵੱਧ ਦੀ ਬਿਜਲੀ ਇਨ੍ਹਾਂ ਪੈਨਲਾਂ ਰਾਹੀਂ ਮਿਲ ਚੁੱਕੀ ਹੈ, ਜੋ ਕਿ ਬਿਜਲੀ ਖਪਤ ਦਾ ਇਕ ਛੋਟਾ ਹਿੱਸਾ ਹੈ ਪਰ ਜੇਕਰ ਯਤਨ ਕੀਤੇ ਜਾਣ ਤਾਂ ਇਹ ਵੱਡੀ ਰਾਹਤ ਵੀ ਦੇ ਸਕਦਾ ਹੈ।
ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸੋਲਰ ਨਾਲ ਪੈਦਾ ਹੋ ਰਹੀ ਬਿਜਲੀ
22 ਮਾਰਚ ਨੂੰ 2021 ਨੂੰ ਸੋਲਰ ਪੈਨਲ ਤੋਂ ਬਿਜਲੀ ਦੀ ਪੈਦਾਵਾਰ ਸ਼ੁਰੂ ਹੋ ਗਈ ਸੀ। 20 ਜਨਵਰੀ 2022 ਤੋਂ 21 ਮਾਰਚ 2023 ਤੱਕ 7 ਲੱਖ 33 ਹਜ਼ਾਰ 799 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 53 ਲੱਖ 56 ਹਜ਼ਾਰ 733 ਰੁਪਏ ਦੀ ਬਣਦੀ ਹੈ, ਪੈਦਾ ਹੋਈ ਸੀ। ਇਸੇ ਤਰ੍ਹਾਂ 21 ਮਾਰਚ 2023 ਤੋਂ 21 ਮਾਰਚ 2024 ਤੱਕ 5 ਲੱਖ 95 ਹਜ਼ਾਰ 745 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 45 ਲੱਖ 33 ਹਜ਼ਾਰ 166 ਰੁਪਏ ਦੀ ਪੈਦਾ ਹੋਈ ਸੀ। ਇਸੇ ਤਰ੍ਹਾਂ 21 ਮਾਰਚ 2024 ਤੋਂ 21 ਮਾਰਚ 2025 ਤੱਕ 5 ਲੱਖ 59 ਹਜ਼ਾਰ 903 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 42 ਲੱਖ 3 ਹਜ਼ਾਰ 453 ਰੁਪਏ ਦੀ ਹੈ, ਪੈਦਾ ਹੋਈ ਸੀ। 21 ਮਾਰਚ 2025 ਤੋਂ 21 ਜੂਨ 2025 ਤੱਕ ਇਸ ਸਾਲ ਦੇ ਤਿੰਨ ਮਹੀਨਿਆਂ ਵਿਚ 1 ਲੱਖ 74 ਹਜ਼ਾਰ 377 ਯੂਨਿਟ ਬਿਜਲੀ 13 ਲੱਖ 42 ਹਜ਼ਾਰ 79 ਰੁਪਏ ਦੀ ਪੈਦਾ ਹੋਈ। 21 ਮਾਰਚ 2022 ਤੋਂ 21 ਜੂਨ 2025 ਤੱਕ 20 ਲੱਖ 49 ਹਜ਼ਾਰ 743 ਯੂਨਿਟ ਬਿਜਲੀ ਪੈਦਾ ਹੋਈ ਸੀ ਜਿਸ ਨਾਲ ਤਕਰੀਬਨ 1 ਕਰੋੜ 54 ਲੱਖ 35 ਹਜ਼ਾਰ 431 ਰੁਪਏ ਦੀ ਬੱਚਤ ਹੋਈ ਸੀ।
ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਖਪਤ ਹੋ ਰਹੀ ਬਿਜਲੀ
ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਅਤੇ ਸਬੰਧਤ ਕੰਪਲੈਕਸ ਵਿਚ 20 ਜਨਵਰੀ 2022 ਤੋਂ 21 ਮਾਰਚ 2023 ਤੱਕ 87 ਲੱਖ 70 ਹਜ਼ਾਰ 761 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 6 ਕਰੋੜ 12 ਲੱਖ 98 ਹਜ਼ਾਰ 566 ਰੁਪਏ ਦੀ ਖਪਤ ਹੋਈ ਸੀ। 21 ਮਾਰਚ 2023 ਤੋਂ 21 ਮਾਰਚ 2024 ਤੱਕ 81 ਲੱਖ 57 ਹਜ਼ਾਰ 976 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 5 ਕਰੋੜ 26 ਲੱਖ 10 ਰੁਪਏ ਦੀ ਖਪਤ ਹੋਈ ਸੀ। 21 ਮਾਰਚ 2024 ਤੋਂ 21 ਮਾਰਚ 2025 ਤੱਕ 81 ਲੱਖ 57 ਹਜ਼ਾਰ 976 ਯੂਨਿਟ ਬਿਜਲੀ ਜੋ ਕਿ ਤਕਰੀਬਨ 5 ਕਰੋੜ 98 ਲੱਖ 63 ਹਜ਼ਾਰ 555 ਰੁਪਏ ਦੀ ਖਪਤ ਹੋਈ ਸੀ। 21 ਮਾਰਚ 2025 ਤੋਂ 21 ਜੂਨ 2025 ਤੱਕ ਇਸ ਸਾਲ ਦੇ ਤਿੰਨ ਮਹੀਨਿਆਂ ਵਿਚ ਤਕਰੀਬਨ 23 ਲੱਖ 24 ਹਜ਼ਾਰ 466 ਯੂਨਿਟ ਬਿਜਲੀ 1 ਕਰੋੜ 68 ਲੱਖ 45 ਹਜ਼ਾਰ 560 ਰੁਪਏ ਦੀ ਖਪਤ ਹੋਈ ਹੈ। 21 ਮਾਰਚ 2022 ਤੋਂ 21 ਜੂਨ 2025 ਤੱਕ 2 ਕਰੋੜ 64 ਲੱਖ 86 ਹਜ਼ਾਰ 23 ਯੂਨਿਟ ਬਿਜਲੀ ਦੀ ਖਪਤ ਹੋਈ ਹੈ, ਜਿਸ ਦੇ ਬਿੱਲ ਕੀਮਤ ਤਕਰੀਬਨ 19 ਕਰੋੜ 6 ਲੱਖ 7 ਹਜ਼ਾਰ 691 ਰੁਪਏ ਦੀ ਬਣਦੀ ਹੈ।
URL Copied
