ਮੰਡੀ ਗੋਬਿੰਦਗੜ੍ਹ ਸਥਿਤ ਛੇ ਵਪਾਰਕ ਇਕਾਈਆਂ ₹ 647 ਕਰੋੜ ਦੀ ਗੈਰ-ਕਾਨੂੰਨੀ ਵਿਕਰੀ ਵਿੱਚ ਸ਼ਾਮਲ 

ਲੁਧਿਆਣਾ / ਚੰਡੀਗੜ੍ਹ, 3 ਮਈ, 2025- ਜੀਐੱਸਟੀ ਇੰਟੈਲੀਜੈਂਸ ਡਾਇਰੈਕਟੋਰੇਟ ਜਨਰਲ (ਡੀਜੀਜੀਆਈ), ਲੁਧਿਆਣਾ ਨੇ ਪਾਇਆ ਹੈ ਕਿ ਪੰਜਾਬ ਦੇ ਫਤਿਹਗੜ੍ਹ ਸਾਹਿਬ ਜ਼ਿਲ੍ਹੇ ਦੇ ਮੰਡੀ ਗੋਬਿੰਦਗੜ੍ਹ ਵਿੱਚ ਸਥਿਤ ਛੇ ਵਪਾਰਕ ਸੰਸਥਾਵਾਂ ₹ 647.4 ਕਰੋੜ ਦੀ ਗੈਰ-ਕਾਨੂੰਨੀ ਵਿਕਰੀ ਵਿੱਚ ਸ਼ਾਮਲ ਸਨ, ਜਿਸ ਨਾਲ ₹ 116.5 ਕਰੋੜ ਦੀ ਜੀਐੱਸਟੀ ਚੋਰੀ ਹੋਈ ਹੈ। ਵਪਾਰਕ ਸੰਸਥਾਵਾਂ ਦੇ ਨਾਮ ਮੈਸਰਜ਼ ਭਾਰਤ ਸਟੀਲ ਇੰਡਸਟਰੀ, ਮੈਸਰਜ਼ ਰਾਮਜੀ ਕੌਨਕਾਸਟ, ਮੈਸਰਜ਼ ਏਕੇਐੱਮ ਅਲੌਏਜ਼, ਮੈਸਰਜ਼ ਕੇਟੀਬੀ ਅਲੌਏਜ਼, ਮੈਸਰਜ਼ ਸ਼੍ਰੀ ਸਾਲਾਸਰ ਬਾਲਾਜੀ ਸਟੀਲ ਟਿਊਬਜ਼ ਅਤੇ ਮੈਸਰਜ਼ ਸ਼੍ਰੀ ਸਾਲਾਸਰ ਸਟੀਲ ਟਿਊਬਜ਼ ਐਂਡ ਕੰਪਨੀ ਹਨ। ਉਹ ਬਿਲਟਸ ਦੇ ਨਿਰਮਾਣ ਅਤੇ ਪਾਈਪਾਂ ਦੇ ਵਪਾਰ ਵਿੱਚ ਸ਼ਾਮਲ ਸਨ। ਡੀਜੀਜੀਆਈ ਲੁਧਿਆਣਾ ਦੁਆਰਾ ਕੀਤੀ ਗਈ ਜਾਂਚ ਵਿੱਚ ਇਨ੍ਹਾਂ ਸੰਸਥਾਵਾਂ ਦੇ ਖਿਲਾਫ ਕਈ ਅਪਰਾਧਕ ਸਬੂਤਾਂ ਦਾ ਪਤਾ ਲੱਗਿਆ ਹੈ ਅਤੇ ਉਨ੍ਹਾਂ ਨੂੰ ਜ਼ਬਤ ਕੀਤਾ ਗਿਆ ਹੈ। ਇਸਦੀ ਪੁਸ਼ਟੀ ਇਨ੍ਹਾਂ ਵਪਾਰਕ ਸੰਸਥਾਵਾਂ ਦੇ ਭਾਈਵਾਲਾਂ ਅਤੇ ਕਰਮਚਾਰੀਆਂ ਵਲੋਂ ਦਿੱਤੇ ਗਏ ਸਵੈ-ਇੱਛਤ ਬਿਆਨਾਂ ਨਾਲ ਵੀ ਕੀਤੀ ਗਈ ਸੀ।ਕੰਪਨੀਆਂ ₹ 388.8 ਕਰੋੜ ਦੇ ਸਮਾਨ ਨੂੰ ਗੁਪਤ ਢੰਗ ਨਾਲ ਹਟਾਉਣ ਵਿੱਚ ਸ਼ਾਮਲ ਸਨ ਜਿਸ ਨਾਲ ₹ 69.8 ਕਰੋੜ ਦੀ ਜੀਐੱਸਟੀ ਚੋਰੀ ਹੋਈ। ਉਨ੍ਹਾਂ ਨੂੰ ₹ 258.5 ਕਰੋੜ ਦੇ ਜਾਅਲੀ ਇਨਵੌਇਸਿੰਗ ਵਿੱਚ ਵੀ ਸ਼ਾਮਲ ਪਾਇਆ ਗਿਆ, ਜਿਸ ਨਾਲ ਗੈਰ-ਮੌਜੂਦ ਅਤੇ ਕਾਲਪਨਿਕ ਵਪਾਰਕ ਸੰਸਥਾਵਾਂ ਤੋਂ ਜਾਅਲੀ ਇਨਪੁਟ ਟੈਕਸ ਕ੍ਰੈਡਿਟ ਦੀ ਧੋਖਾਧੜੀ ਨਾਲ ਪ੍ਰਾਪਤੀ ਅਤੇ ਵਰਤੋਂ ਰਾਹੀਂ ₹ 46.5 ਕਰੋੜ ਦੀ ਜੀਐੱਸਟੀ ਚੋਰੀ ਹੋਈ ਹੈ।2 ਮਈ, 2025 ਨੂੰ, ਡੀਜੀਜੀਆਈ ਲੁਧਿਆਣਾ ਨੇ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਜੋ ਉਪਰੋਕਤ ਵਪਾਰਕ ਸੰਸਥਾਵਾਂ ਦੇ ਮਾਲਕ ਸਨ ਅਤੇ ਨਿਯੰਤਰਣ ਰੱਖਦੇ ਸਨ, ਜਿਨ੍ਹਾਂ ਦੇ ਕੰਮਾਂ ਦੇ ਨਤੀਜੇ ਵਜੋਂ 116.5 ਕਰੋੜ ਰੁਪਏ ਦੀ ਜੀਐੱਸਟੀ ਚੋਰੀ ਹੋਈ। ਤਿੰਨਾਂ ਨੂੰ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਡੀਜੀਜੀਆਈ ਭਾਰਤ ਸਰਕਾਰ ਦੀ ਜੀਐੱਸਟੀ ਟੈਕਸ ਚੋਰੀ ਲਈ ਪ੍ਰਮੁੱਖ ਖੁਫੀਆ ਅਤੇ ਜਾਂਚ ਏਜੰਸੀ ਹੈ, ਜੋ ਵਿੱਤ ਮੰਤਰਾਲੇ ਦੇ ਅਧੀਨ ਕੰਮ ਕਰਦੀ ਹੈ। ਜੀਐੱਸਟੀ ਚੋਰੀ ਦੇ ਖ਼ਤਰੇ ਨਾਲ ਨਜਿੱਠਣ ਲਈ, ਡੀਜੀਜੀਆਈ ਦੇਸ਼ ਭਰ ਵਿੱਚ ਆਪਣੇ ਖੁਫੀਆ ਨੈੱਟਵਰਕ ਦੀ ਵਰਤੋਂ ਕਰਕੇ ਡੇਟਾ ਵਿਸ਼ਲੇਸ਼ਣ ਲਈ ਉੱਨਤ ਸਾਧਨਾਂ ਰਾਹੀਂ, ਖਾਸ ਕਰਕੇ ਟੈਕਸ ਚੋਰੀ ਦੇ ਨਵੇਂ ਖੇਤਰਾਂ ਵਿੱਚ ਖੁਫੀਆ ਜਾਣਕਾਰੀ ਵਿਕਸਿਤ ਕਰਦਾ ਹੈ।