ਬਦਾਯੂੰ, 31 ਮਾਰਚ- 19 ਫਰਵਰੀ ਤੋਂ ਲਾਪਤਾ ਮਹਿਲਾ ਡਾਂਸਰ ਮੁਸਕਾਨ ਦੀ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ ਗਈ ਤੇ ਉਸਦੀ ਲਾਸ਼ ਨੂੰ ਉਝਾਨੀ ਕੋਤਵਾਲੀ ਖੇਤਰ ਦੇ ਪਿੰਡ ਰਨਊ ਦੇ ਜੰਗਲ ‘ਚ ਦਫਨਾ ਦਿੱਤਾ ਗਿਆ। ਉਸ ਦੀ ਹੱਤਿਆ ਅੱਲਾਪੁਰ ਭੋਗੀ ਦੇ ਪ੍ਰਧਾਨ ਦੇ ਪਤੀ ਨੇ ਆਪਣੇ ਦੋ ਸਾਥੀਆਂ ਦੀ ਮਦਦ ਨਾਲ ਕੀਤੀ ਸੀ। ਐਤਵਾਰ ਨੂੰ ਪੁਲਿਸ ਨੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਤੇ ਉਨ੍ਹਾਂ ਦੀ ਨਿਸ਼ਾਨਦੇਹੀ ‘ਤੇ ਹੀ ਮਹਿਲਾ ਡਾਂਸਰ ਦੀ ਲਾਸ਼ ਬਰਾਮਦ ਕਰ ਲਈ। ਦੁਪਹਿਰ ਬਾਅਦ ਉਸਦਾ ਪੋਸਟਮਾਰਟਮ ਕਰਵਾਇਆ ਗਿਆ, ਜਿਸ ਵਿਚ ਗਲਾ ਘੁੱਟ ਕੇ ਹੱਤਿਆ ਦੀ ਪੁਸ਼ਟੀ ਕੀਤੀ ਗਈ। ਐਤਵਾਰ ਸ਼ਾਮ ਪੁਲਿਸ ਨੇ ਇਸ ਮਾਮਲੇ ਦਾ ਖੁਲਾਸਾ ਕਰਦਿਆਂ ਤਿੰਨੋਂ ਮੁਲਜ਼ਮਾਂ ਨੂੰ ਜੇਲ੍ਹ ਭੇਜ ਦਿੱਤਾ। ਐਸਪੀ ਸਿਟੀ ਅਮਿਤ ਕਿਸ਼ੋਰ ਸ਼੍ਰੀਵਾਸਤਵ ਨੇ ਦੱਸਿਆ ਕਿ 28 ਫਰਵਰੀ ਨੂੰ ਦਾਤਾਗੰਜ ਕੋਤਵਾਲੀ ਖੇਤਰ ਦੇ ਪਿੰਡ ਹਾਸਿਮਪੁਰ ਨਿਵਾਸੀ ਨੂਰ ਹਸਨ ਆਪਣੇ ਪਰਿਵਾਰ ਵਾਲਿਆਂ ਨਾਲ ਸਿਵਲ ਲਾਈਨਜ਼ ਥਾਣੇ ਆਏ ਸਨ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਭਾਣਜੀ ਮੁਸਕਾਨ 19 ਫਰਵਰੀ ਤੋਂ ਲਾਪਤਾ ਹੈ। ਉਹ ਮੂਲ ਰੂਪ ‘ਚ ਹਾਸਿਮਪੁਰ ਪਿੰਡ ਦੀ ਰਹਾਇਸ਼ੀ ਸੀ ਤੇ ਇਸ ਸਮੇਂ ਸਿਵਲ ਲਾਈਨਜ਼ ਖੇਤਰ ਦੇ ਜਹਾਨਬਾਦ ਗਾਲਿਮ ਪੱਟੀ ‘ਚ ਰਹਿ ਰਹੀ ਸੀ। ਉਸਦੇ ਕੋਲ ਉਝਾਨੀ ਕੋਤਵਾਲੀ ਖੇਤਰ ਦੇ ਪਿੰਡ ਅੱਲਾਪੁਰ ਭੋਗੀ ਦੀ ਔਰਤ ਪ੍ਰਧਾਨ ਦਾ ਪਤੀ ਰਿਜ਼ਵਾਨ ਆਉਂਦਾ–ਜਾਂਦਾ ਸੀ। ਉਨ੍ਹਾਂ ਨੂੰ ਸ਼ੱਕ ਸੀ ਕਿ ਰਿਜ਼ਵਾਨ ਹੀ ਮੁਸਕਾਨ ਨੂੰ ਕਿਤੇ ਲੈ ਗਿਆ ਹੈ ਤੇ ਸ਼ਾਇਦ ਉਸਦੀ ਹੱਤਿਆ ਕਰ ਦਿੱਤੀ ਹੈ। ਇਸ ‘ਤੇ ਪੁਲਿਸ ਨੇ ਪਹਿਲੀ ਰਿਪੋਰਟ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਸੀ। ਪਹਿਲਾਂ ਜਾਂਚ ਰੋਡਵੇਜ਼ ਚੌਕੀ ਦੇ ਇੰਚਾਰਜ ਰਾਹੁਲ ਕੁਮਾਰ ਕਰ ਰਹੇ ਸਨ। ਬਾਅਦ ਵਿਚ ਜਾਂਚ ਐਸਆਈ ਚਮਨ ਗਿਰੀ ਨੂੰ ਸੌਂਪੀ ਗਈ। ਉਨ੍ਹਾਂ ਦੀ ਜਾਂਚ ਵਿਚ ਕਈ ਤੱਥ ਸਾਹਮਣੇ ਆਏ। ਉਨ੍ਹਾਂ ਦੇ ਆਧਾਰ ‘ਤੇ ਐਤਵਾਰ ਸਵੇਰੇ ਪੁਲਿਸ ਨੇ ਰਿਜ਼ਵਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸਦੀ ਨਿਸ਼ਾਨਦੇਹੀ ‘ਤੇ ਉਝਾਨੀ ਕੋਤਵਾਲੀ ਖੇਤਰ ਦੇ ਪਿੰਡ ਨਰਉ ਦੇ ਰਾਮੌਤਾਰ ਅਤੇ ਰਾਧੇਸ਼ਿਆਮ ਉਰਫ਼ ਹਲਵਾਈ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ। ਜਦੋਂ ਉਨ੍ਹਾਂ ਨਾਲ ਪੁੱਛਗਿੱਛ ਕੀਤੀ ਗਈ, ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਔਰਤ ਡਾਂਸਰ ਰਿਜ਼ਵਾਨ ਦੀ ਪ੍ਰੇਮਿਕਾ ਸੀ। ਰਿਜ਼ਵਾਨ ਨੇ ਉਸ ਨਾਲ ਵਿਆਹ ਕਰ ਲਿਆ ਸੀ ਅਤੇ ਉਨ੍ਹਾਂ ਦਾ ਇਕ ਪੁੱਤਰ ਵੀ ਹੈ। ਪਹਿਲਾਂ ਉਹ ਖਰਚੇ ਲਈ 10 ਹਜ਼ਾਰ ਰੁਪਏ ਲੈਂਦੀ ਸੀ, ਪਰ ਬਾਅਦ ਵਿਚ ਉਸਨੇ 40 ਹਜ਼ਾਰ ਰੁਪਏ ਮੰਗਣੇ ਸ਼ੁਰੂ ਕਰ ਦਿੱਤੇ ਸਨ। ਇਸ ਨਾਲ ਪਰੇਸ਼ਾਨ ਹੋ ਕੇ ਰਿਜ਼ਵਾਨ ਨੇ ਆਪਣੇ ਦੋ ਸਾਥੀਆਂ ਦੀ ਮਦਦ ਨਾਲ ਰਨਉ ਦੇ ਜੰਗਲ ਵਿਚ ਲੈ ਜਾ ਕੇ ਉਸਦੀ ਗਲਾ ਘੋਟ ਕੇ ਹਤਿਆ ਕਰ ਦਿੱਤੀ ਅਤੇ ਉਥੇ ਹੀ ਇਕ ਖੇਤ ਵਿਚ ਉਸਦਾ ਲਾਸ਼ ਦਫਨ ਕਰ ਦਿੱਤਾ। ਦੁਪਹਿਰ ਦੇ ਸਮੇਂ ਇੰਸਪੈਕਟਰ ਮਨੋਜ ਕੁਮਾਰ ਸਿੰਘ ਉਨ੍ਹਾਂ ਨੂੰ ਆਪਣੀ ਪੁਲਿਸ ਟੀਮ ਨਾਲ ਰਨਉ ਲੈ ਗਏ ਅਤੇ ਉਨ੍ਹਾਂ ਦੀ ਨਿਸ਼ਾਨਦੇਹੀ ‘ਤੇ ਲਾਸ਼ ਬਰਾਮਦ ਕਰਵਾਈ। ਉਸ ਤੋਂ ਬਾਅਦ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਗਿਆ, ਜਿਸ ਵਿਚ ਗਲਾ ਘੁੱਟ ਕੇ ਹੱਤਿਆ ਦੀ ਪੁਸ਼ਟੀ ਕੀਤੀ ਗਈ। ਇਸ ਤੋਂ ਬਾਅਦ ਸ਼ਾਮ ਦੇ ਸਮੇਂ ਪੁਲਿਸ ਨੇ ਤਿੰਨੋਂ ਦੋਸ਼ੀਆਂ ਨੂੰ ਕੋਰਟ ‘ਚ ਪੇਸ਼ ਕੀਤਾ, ਜਿੱਥੋਂ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ।
70-70 ਹਜ਼ਾਰ ਦੇ ਲਾਲਚ ‘ਚ ਮੁਲਜ਼ਮ ਬਣੇ ਰਾਮਔਤਾਰ ਤੇ ਰਾਧੇਸ਼ਿਆਮ
ਮੁਸਕਾਨ ਤੇ ਰਿਜ਼ਵਾਨ ਦੇ ਮਾਮਲੇ ‘ਚ ਰਾਮਔਤਾਰ ਤੇ ਰਾਧੇਸ਼ਿਆਮ ਦਾ ਕੋਈ ਸਿੱਧਾ ਸਬੰਧ ਨਹੀਂ ਸੀ, ਪਰ ਉਹ ਲਾਲਚ ‘ਚ ਆ ਕੇ ਹਤਿਆਰੇ ਬਣ ਗਏ। ਜਦੋਂ ਮੁਸਕਾਨ ਰਿਜ਼ਵਾਨ ਤੋਂ 40 ਹਜ਼ਾਰ ਰੁਪਏ ਮੰਗ ਰਹੀ ਸੀ ਤਾਂ ਇਸ ਬਾਰੇ ਸਭ ਤੋਂ ਪਹਿਲਾਂ ਰਿਜ਼ਵਾਨ ਨੇ ਰਾਮਔਤਾਰ ਨੂੰ ਦੱਸਿਆ ਸੀ ਅਤੇ ਉਸਨੂੰ 70 ਹਜ਼ਾਰ ਰੁਪਏ ਦਾ ਲਾਲਚ ਦਿੱਤਾ ਸੀ। ਇਸ ਵਿਚ ਸਹਾਇਤਾ ਲਈ ਰਾਧੇਸ਼ਿਆਮ ਨੂੰ ਵੀ ਸ਼ਾਮਲ ਕੀਤਾ ਗਿਆ ਸੀ। ਫਿਰ ਉਸਨੂੰ ਵੀ 70 ਹਜ਼ਾਰ ਰੁਪਏ ਦਿੱਤੇ ਗਏ। ਇਸ ਤਰ੍ਹਾਂ ਰਾਮਔਤਾਰ ਅਤੇ ਰਾਧੇਸ਼ਿਆਮ ਵੀ ਹੱਤਿਆ ‘ਚ ਸ਼ਾਮਲ ਹੋ ਗਏ।
