ਜਲੰਧਰ, 1 ਸਤੰਬਰ : ਪੰਜਾਬ ਭਰ ਵਿਚ ਮੀਂਹ ਨੇ ਆਫਤ ਮਚਾਈ ਹੋਈ ਹੈ। ਜਲੰਧਰ ਵਿਚ ਮੀਂਹ ਕਾਰਨ, ਸਿਗਨਲ ਵਿਭਾਗ ਦੇ ਇੱਕ ਕਰਮਚਾਰੀ ਦੀ ਬਿਜਲੀ ਸਪਲਾਈ ਯਾਨੀ ਰੇਲਵੇ ਲਾਈਨ ਦੇ ਉੱਪਰੋਂ ਲੰਘਦੀ ਓਵਰਹੈੱਡ ਲਾਈਨ ਤੋਂ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ। ਇਹ ਘਟਨਾ ਸ਼ਹਿਰ ਦੇ ਰੇਲਵੇ ਸਟੇਸ਼ਨ ਦੇ ਬਾਹਰੀ ਖੇਤਰ ਦੇ ਯਾਰਡ ਵਿੱਚ ਵਾਪਰੀ। ਬਿਜਲੀ ਸਪਲਾਈ 25 ਕੇਵੀ ਹੋਣ ਕਾਰਨ, ਕਰਮਚਾਰੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਘਟਨਾ ਤੋਂ ਤੁਰੰਤ ਬਾਅਦ, ਰੇਲਵੇ ਦੇ ਸੀਨੀਅਰ ਅਧਿਕਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਤੁਰੰਤ ਬਿਜਲੀ ਸਪਲਾਈ ਕੱਟ ਦਿੱਤੀ।
