ਬਰਾਤ ਦੌਰਾਨ ਡਾਂਸ ਨੂੰ ਲੈ ਕੇ ਖੂਨੀ ਵਿਵਾਦ, ਨੌਜਵਾਨ ਦੇ ਸਿਰ ‘ਤੇ ਵੱਡੇ ਪੱਥਰ ਨਾਲ ਕੀਤਾ ਹਮਲਾ

ਸ਼ਿਵਪੁਰੀ, 30 ਮਈ : ਫੱਕੜ ਕਾਲੋਨੀ ’ਚ ਬੁੱਧਵਾਰ ਰਾਤ ਇਕ ਬਰਾਤ ਦੀ ਖੁਸ਼ੀ ਅਚਾਨਕ ਖੂਨੀ ਸੰਘਰਸ਼ ’ਚ ਬਦਲ ਗਈ। ਡਾਂਸ ਨੂੰ ਲੈ ਕੇ ਹੋਏ ਵਿਵਾਦ ਨੇ ਇਕ ਨੌਜਵਾਨ ਦੀ ਜ਼ਿੰਦਗੀ ਨੂੰ ਵੱਡਾ ਖ਼ਤਰਾ ਪੈਦਾ ਕਰ ਦਿੱਤਾ। ਮੋਹਨਾ ਦੇ ਨਿਵਾਸੀ ਕਿਸ਼ਨ ਸ਼ਾਕਿਆ (25) ਨੂੰ ਬਰਾਤੀਆਂ ਨੇ ਬੇਰਹਮੀ ਨਾਲ ਕੁੱਟ ਕੇ ਅਤੇ ਪੱਥਰ ਨਾਲ ਹਮਲਾ ਕਰਕੇ ਗੰਭੀਰ ਰੂਪ ’ਚ ਜ਼ਖਮੀ ਕਰ ਦਿੱਤਾ। ਜ਼ਖਮੀ ਕਿਸ਼ਨ ਦਾ ਜ਼ਿਲ੍ਹਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ, ਜਿੱਥੇ ਉਸ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਮੋਹਨਾ ਤੋਂ ਆਈ ਵਿਕਾਸ ਜਾਟਵ ਦੀ ਬਰਾਤ ਫੱਕੜ ਕਾਲੋਨੀ ਦੇ ਭੂਰਾ ਜਾਟਵ ਦੇ ਘਰ ਪਹੁੰਚੀ ਸੀ। ਲਗਪਗ ਰਾਤ 1 ਵਜੇ, ਜਦੋਂ ਬਰਾਤ ਲੜਕੀ ਦੇ ਘਰ ਦੇ ਬਾਹਰ ਡੀਜੇ ‘ਤੇ ਡਾਂਸ ਕਰ ਰਹੀ ਸੀ ਤਾਂ ਕਿਸ਼ਨ ਸ਼ਾਕਿਆ ਦਾ ਡਾਂਸ ਕਰਦੇ ਹੋਏ ਕੁਝ ਨੌਜਵਾਨਾਂ ਨਾਲ ਵਿਵਾਦ ਹੋ ਗਿਆ। ਵਿਵਾਦ ਦੇ ਦੌਰਾਨ ਮਾਹੌਲ ਇੰਨਾ ਜ਼ਿਆਦਾ ਗਰਮ ਹੋ ਗਿਆ ਕਿ ਦੋਸ਼ੀਆਂ ਨੇ ਕਿਸ਼ਨ ’ਤੇ ਹਮਲਾ ਕਰ ਦਿੱਤਾ। ਇਕ ਦੋਸ਼ੀ ਨੇ ਇੰਨਾ ਵੱਡਾ ਪੱਥਰ ਉਠਾਇਆ ਕਿ ਕਿਸ਼ਨ ਦੇ ਸਿਰ ‘ਤੇ ਸਿੱਧਾ ਮਾਰ ਦਿੱਤਾ। ਇਸ ਕਾਰਨ ਕਿਸ਼ਨ ਦਾ ਪੂਰਾ ਸਿਰ ਲਹੂ-ਲੂਹਾਨ ਹੋ ਗਿਆ। ਆਸ-ਪਾਸ ਮੌਜੂਦ ਲੋਕ ਦਹਿਸ਼ਤ ਵਿਚ ਭੱਜ ਗਏ ਅਤੇ ਹਮਲਾਵਰ ਫਰਾਰ ਹੋ ਗਏ। ਇਸ ਘਟਨਾ ਦੇ ਤੁਰੰਤ ਬਾਅਦ ਜ਼ਖਮੀ ਕਿਸ਼ਨ ਨੂੰ ਜ਼ਿਲ੍ਹਾ ਹਸਪਤਾਲ ਵਿਖੇ ਲੈ ਕਿ ਜਾਇਆ ਗਿਆ, ਜਿੱਥੇ ਉਸ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਕਿਸ਼ਨ ਦੇ ਪਰਿਵਾਰ ਨੇ ਫਿਜ਼ੀਕਲ ਥਾਣੇ ਵਿਚ ਜਾ ਕੇ ਹਮਲਾਵਰਾਂ ਦੇ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਹੈ। ਕਿਸ਼ਨ ਨੇ ਪੁਲਿਸ ਨੂੰ ਦੱਸਿਆ ਕਿ ਹਮਲਾ ਕਰਨ ਵਾਲੇ ਨੌਜਵਾਨ ਮੋਹਨਾ ਦੇ ਨਹੀਂ ਸਨ, ਸਗੋਂ ਉਹ ਲਾੜੇ ਦੇ ਰਿਸ਼ਤੇਦਾਰ ਜਾਂ ਬਾਹਰੀ ਜਾਣਕਾਰ ਹੋ ਸਕਦੇ ਹਨ। ਫਿਜ਼ੀਕਲ ਥਾਣੇ ਦੇ ਪ੍ਰਭਾਰੀ ਐੱਸ.ਆਈ. ਦੇਵਰਾਜ ਸਿੰਘ ਨੇ ਘਟਨਾ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ, “ਪਰਿਵਾਰ ਦੀ ਸ਼ਿਕਾਇਤ ‘ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਹਮਲਾਵਰਾਂ ਦੀ ਪਛਾਣ ਕੀਤੀ ਜਾ ਰਹੀ ਹੈ ਅਤੇ ਜਲਦੀ ਹੀ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇਗਾ। ਅਸੀਂ ਇਸ ਗੱਲ ਨੂੰ ਗੰਭੀਰਤਾ ਨਾਲ ਲੈ ਰਹੇ ਹਾਂ ਤਾਂ ਜੋ ਨਿਆਂ ਯਕੀਨੀ ਬਣਾਇਆ ਜਾ ਸਕੇ। ਇਸ ਵਾਰਦਾਤ ਨੇ ਇਲਾਕੇ ’ਚ ਖਲਬਲੀ ਮਚਾ ਦਿੱਤੀ ਹੈ। ਸਥਾਨਕ ਲੋਕ ਬਰਾਤ ਦੇ ਦੌਰਾਨ ਇਸ ਤਰ੍ਹਾਂ ਦੇ ਹਿੰਸਕ ਘਟਨਾਕ੍ਰਮ ਦੀ ਕੜੀ ਨਿੰਦਾ ਕਰ ਰਹੇ ਹਨ। ਕਈ ਬਰਾਤੀ ਡਾਂਸ ਅਤੇ ਖੁਸ਼ੀਆਂ ਦੇ ਦੌਰਾਨ ਇਸ ਤਰ੍ਹਾਂ ਦੀ ਹਿੰਸਾ ਦੀ ਬਜਾਏ ਸ਼ਾਂਤੀ ਦਾ ਮਾਹੌਲ ਬਣਾਈ ਰੱਖਣ ਦੀ ਅਪੀਲ ਕਰ ਰਹੇ ਹਨ।