ਨਵੀਂ ਦਿੱਲੀ, 17 ਅਪ੍ਰੈਲ- ਆਮ ਆਦਮੀ ਪਾਰਟੀ ਦੇ ਪੂਰਵ ਵਿਧਾਇਕ ਅਤੇ ਗੁਜਰਾਤ ਇੰਚਾਰਜ ਦੁਰਗੇਸ਼ ਪਾਠਕ ਦੇ ਘਰ ਅੱਜ ਸਵੇਰੇ CBI ਨੇ ਛਾਪਾ ਮਾਰਿਆ। ਇਸ ਕਾਰਵਾਈ ਕਾਰਨ AAP ਪਾਰਟੀ ਵਿੱਚ ਹਲਚਲ ਮਚ ਗਈ। CBI ਦੀ ਇਹ ਰੇਡ ਗੁਜਰਾਤ ਨਾਲ ਜੋੜੀ ਜਾ ਰਹੀ ਹੈ ਅਤੇ ਕਈ AAP ਆਗੂਆਂ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਸ ਘਟਨਾ ਦੀ ਜਾਣਕਾਰੀ ਦੇਣ ਦੇ ਨਾਲ-ਨਾਲ ਭਾਜਪਾ ‘ਤੇ ਵੀ ਤਿੱਖਾ ਹਮਲਾ ਕੀਤਾ।ਇਸ ਮਾਮਲੇ ‘ਤੇ ਹੁਣ ਖੁਦ ਦੁਰਗੇਸ਼ ਪਾਠਕ ਨੇ ਮੀਡੀਆ ਸਾਹਮਣੇ ਆ ਕੇ ਸਾਰੀ ਘਟਨਾ ਦੀ ਵਿਆਖਿਆ ਕੀਤੀ। ਉਹ ਨੇ ਦੱਸਿਆ ਕਿ –
“ਅੱਜ ਸਵੇਰੇ CBI ਦੀ ਟੀਮ ਮੇਰੇ ਘਰ ਆਈ। ਉਹ ਨੇ 3 ਤੋਂ 4 ਘੰਟੇ ਤੱਕ ਘਰ ਦੀ ਪੂਰੀ ਤਲਾਸ਼ੀ ਲਈ। ਕਮਰੇ, ਕਿਤਾਬਾਂ, ਅਲਮਾਰੀਆਂ – ਹਰ ਜਗ੍ਹਾ ਦੀ ਜਾਂਚ ਕੀਤੀ, ਪਰ ਉਨ੍ਹਾਂ ਨੂੰ ਕੋਈ ਵੀ ਗਲਤ ਚੀਜ਼ ਨਹੀਂ ਮਿਲੀ।”ਕਿਹਾ ਕਿ, “ਮੇਰੇ ਘਰ ਆਮ ਲੋਕ ਆਪਣੇ ਕੰਮ ਲਈ ਆਉਂਦੇ ਹਨ ਅਤੇ ਆਮ ਤੌਰ ‘ਤੇ ਆਪਣੇ ਆਧਾਰ ਕਾਰਡ ਦੀ ਫੋਟੋਕਾਪੀ ਛੱਡ ਜਾਂਦੇ ਹਨ। CBI ਸਿਰਫ਼ ਉਹਨਾਂ ਫੋਟੋਕਾਪੀਆਂ ਨੂੰ ਹੀ ਲੈ ਗਈ। ਉਨ੍ਹਾਂ ਨੇ ਮੈਨੂੰ ਇਹ ਵੀ ਨਹੀਂ ਦੱਸਿਆ ਕਿ ਇਹ ਰੇਡ ਕਿਉਂ ਪਾਈ ਗਈ।”ਦੁਰਗੇਸ਼ ਪਾਠਕ ਨੇ ਇਸ਼ਾਰਾ ਕੀਤਾ ਕਿ ਇਹ ਸਾਰਾ ਮਾਮਲਾ ਰਾਜਨੀਤਿਕ ਪ੍ਰੇਰਿਤ ਹੈ।
ਉਸਦਾ ਕਹਿਣਾ ਹੈ:
“ਮੈਨੂੰ ਗੁਜਰਾਤ ਦਾ ਸਹ-ਇੰਚਾਰਜ ਬਣਾਇਆ ਗਿਆ ਹੈ ਅਤੇ ਜਿਵੇਂ ਹੀ ਗੁਜਰਾਤ ਵਿੱਚ AAP ਦੀ ਤਾਕਤ ਵਧੀ, ਇਹ ਡਰ ਦੇ ਮਾਹੌਲ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਿਛਲੀ ਵਾਰੀ ਜਦੋਂ ਗੁਜਰਾਤ ਦੀ ਜਨਤਾ ਨੇ ਸਾਨੂੰ ਪਿਆਰ ਦਿੱਤਾ, ਤਾਂ ਕੇਜਰੀਵਾਲ, ਮਨੀਸ਼ ਸਿਸੋਦੀਆ ਅਤੇ ਸੰਜੈ ਸਿੰਘ ਵਰਗੇ ਆਗੂਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ। ਪਰ ਅਸੀਂ ਨਾ ਉਸ ਵਾਰੀ ਡਰੇ ਸੀ ਅਤੇ ਨਾ ਹੁਣ ਡਰਾਂਗੇ। ਅਸੀਂ CBI ਅਤੇ ਹੋਰ ਜਾਂਚ ਏਜੰਸੀਆਂ ਦਾ ਪੂਰਾ ਸਹਿਯੋਗ ਦੇਵਾਂਗੇ ਪਰ ਡਰਾਂਗੇ ਨਹੀਂ।”ਦੱਸਣਯੋਗ ਹੈ ਕਿ ਇਹ ਰੇਡ ਵਿਦੇਸ਼ੀ ਅੰਸ਼ਦਾਨ ਵਿਨਿਯਮ (FCRA) ਦੀ ਉਲੰਘਣਾ ਸੰਬੰਧੀ ਦਰਜ ਮਾਮਲੇ ਨਾਲ ਜੁੜੀ ਹੋਈ ਹੈ। CBI ਦੇ ਸੂਤਰਾਂ ਅਨੁਸਾਰ, ਇਹ ਜਾਂਚ ਉਸੇ ਸੰਦੇਹ ਤਹਿਤ ਹੋ ਰਹੀ ਹੈ।
AAP ਆਗੂ ਸੰਜੈ ਸਿੰਘ ਨੇ ਰੇਡ ਉੱਤੇ ਪ੍ਰਤੀਕਿਰਿਆ ਦਿੰਦਿਆਂ ਕਿਹਾ:
“ਦੁਰਗੇਸ਼ ਪਾਠਕ ਨੂੰ ਗੁਜਰਾਤ ਦਾ ਇੰਚਾਰਜ ਬਣਾਇਆ ਗਿਆ, ਜੋ ਮੋਦੀ ਜੀ ਨੂੰ ਨਾਗਵਾਰ ਲੱਗਿਆ ਅਤੇ ਇਸੀ ਲਈ ਉਨ੍ਹਾਂ ਨੇ CBI ਰੇਡ ਕਰਵਾਈ।”
