ਜਸਵਿੰਦਰ ਸਿੰਘ ਸੰਧੂ
ਚੰਡੀਗੜ੍ਹ, 1 ਮਈ- ਯੂਟੀ ਪ੍ਰਸ਼ਾਸਨ ਦੇ ਸਰਬਉੱਚ ਅਫ਼ਸਰ ਦੇ ਨਿਰਦੇਸ਼ਾਂ ‘ਤੇ, ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਸੈਕਟਰ-26 ਮੰਡੀ ਵਿੱਚ ਸਫ਼ਾਈ ਦੀ ਮਿਆਰੀ ਜਾਂਚ ਅਤੇ ਨਿਗਰਾਨੀ ਨੂੰ ਯਕੀਨੀ ਬਣਾਉਣ ਲਈ ਸੀਨੀਅਰ ਅਧਿਕਾਰੀਆਂ ਦੀ ਟੀਮ ਨਿਯੁਕਤ ਕੀਤੀ ਹੈ। ਹੁਣ ਇਹ ਅਧਿਕਾਰੀ ਹਰ ਮਹੀਨੇ ਸ਼ਾਮ ਨੂੰ ਮੰਡੀ ਵਿੱਚ ਸਫ਼ਾਈ ਦੀ ਵਿਸ਼ੇਸ਼ ਜਾਂਚ ਕਰਨਗੇ। ਪ੍ਰਸ਼ਾਸਨ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਨਿਯੁਕਤ ਅਧਿਕਾਰੀ ਆਪਣੇ ਨਿਰੀਖਣ ਦੌਰਾਨ ਕੀਤੀਆਂ ਟਿੱਪਣੀਆਂ ਅਤੇ ਨਤੀਜੇ ਤਸਵੀਰਾਂ ਸਮੇਤ ਰਿਪੋਰਟ ਦੇ ਰੂਪ ਵਿੱਚ ਪੇਸ਼ ਕਰਨ। ਇਹ ਮਾਸਿਕ ਨਿਰੀਖਣ ਮੰਡੀ ਦੀ ਸਫ਼ਾਈ ਅਤੇ ਵਿਵਸਥਾ ਨੂੰ ਬਿਹਤਰ ਬਣਾਉਣ ਲਈ ਕੀਤੇ ਜਾ ਰਹੇ ਹਨ। ਮਾਸਿਕ ਨਿਰੀਖਣ ਲਈ ਨਿਯੁਕਤ ਕੀਤੇ ਗਏ ਅਧਿਕਾਰੀਆਂ ਵਿੱਚ ਸ਼ਾਮਲ ਹਨ:
- ਸ਼੍ਰੀ ਅਖਿਲ ਕੁਮਾਰ (ਦਾਨਿਕਸ)
- ਸ਼੍ਰੀ ਅਮਿਤ ਕੁਮਾਰ (ਦਾਨਿਕਸ)
- ਸ਼੍ਰੀ ਹਰਸੁਹਿੰਦਰ ਪਾਲ ਸਿੰਘ ਬਰਾੜ (ਪੀਸੀਐੱਸ)
- ਸ਼੍ਰੀ ਰੁਬਿੰਦਰਜੀਤ ਸਿੰਘ ਬਰਾੜ (ਪੀਸੀਐੱਸ)
- ਡਾ. ਰਿਚਾ (ਐੱਚਸੀਐੱਸ)
- ਸ਼੍ਰੀ ਪ੍ਰਧੁਮਨ ਸਿੰਘ (ਐੱਚਸੀਐੱਸ)
- ਸ਼੍ਰੀ ਸੋਰਭ ਅਰੋੜਾ (ਪੀਸੀਐੱਸ)
- ਸੁਸ਼੍ਰੀ ਪਾਲਿਕਾ ਅਰੋੜਾ (ਪੀਸੀਐੱਸ)
- ਸੁਸ਼੍ਰੀ ਸ਼ਸ਼ੀ ਵਸੁੰਧਰਾ (ਐੱਚਸੀਐੱਸ)
- ਸ਼੍ਰੀ ਪਵਿੱਤਰ ਸਿੰਘ (ਪੀਸੀਐੱਸ)
- ਸ਼੍ਰੀ ਸੁਮੀਤ ਸਿਹਾਗ (ਐੱਚਸੀਐੱਸ)
- ਸ਼੍ਰੀ ਜਸਬੀਰ ਸਿੰਘ
- ਸ਼੍ਰੀ ਰਾਜੀਵ ਤਿਵਾਰੀ
ਇਹ ਅਧਿਕਾਰੀ ਨਿਯਮਤ ਅਧਾਰ ‘ਤੇ ਮੰਡੀ ਦੀ ਸਫ਼ਾਈ ਦੀ ਜਾਂਚ ਕਰਕੇ ਪ੍ਰਸ਼ਾਸਨ ਨੂੰ ਆਪਣੀਆਂ ਨਿਰੀਖਣ ਰਿਪੋਰਟਾਂ ਪੇਸ਼ ਕਰਨਗੇ, ਤਾਂ ਜੋ ਮੰਡੀ ਵਿੱਚ ਸਫਾਈ ਅਤੇ ਸਿਹਤਮੰਦ ਵਾਤਾਵਰਨ ਬਣਾਇਆ ਜਾ ਸਕੇ।
