International 
ਕੌਣ ਹੈ ਸ਼ੇਨ ਤਾਮੁਰਾ? ਜਿਸ ਨੇ ਗੋਲੀਬਾਰੀ ਨਾਲ ਨਿਊਯਾਰਕ ਨੂੰ ਹਿਲਾ ਦਿੱਤਾ, ਚਾਰ ਲੋਕਾਂ ਨੂੰ ਮਾਰਿਆ ਤੇ ਫਿਰ ਲਈ ਖ਼ੁਦ ਦੀ ਵੀ ਜਾਨ
ਨਿਊਯਾਰਕ, 29 ਜੁਲਾਈ : ਕੱਲ੍ਹ ਨਿਊਯਾਰਕ ਦੇ ਮਿਡਟਾਊਨ ਮੈਨਹਟਨ ਵਿੱਚ ਇੱਕ ਵਿਅਕਤੀ ਨੇ ਅੰਨ੍ਹੇਵਾਹ ਗੋਲੀਬਾਰੀ ਕਰਕੇ 4 ਲੋਕਾਂ ਦੀ ਹੱਤਿਆ ਕਰ ਦਿੱਤੀ। ਇਸ ਦੇ ਨਾਲ ਹੀ ਇਮਾਰਤ ਦੀ 33ਵੀਂ ਮੰਜ਼ਿਲ ‘ਤੇ ਪਹੁੰਚਣ ਤੋਂ ਬਾਅਦ ਦੋਸ਼ੀ ਨੇ ਆਪਣੇ ਆਪ ਨੂੰ ਵੀ ਗੋਲੀ ਮਾਰ ਲਈ। ਇਸ ਦੇ ਨਾਲ ਹੀ ਹਮਲਾਵਰ ਦੀ ਹੁਣ ਪਛਾਣ ਹੋ ਗਈ ਹੈ। ਮੈਨਹਟਨ ਵਿੱਚ ਗੋਲੀਬਾਰੀ ਕਰਨ ਵਾਲੇ ਵਿਅਕਤੀ ਦਾ ਨਾਮ ਸ਼ੇਨ ਤਾਮੁਰਾ ਹੈ। ਸ਼ੇਨ ਅਮਰੀਕਾ ਦੇ ਲਾਸ ਵੇਗਾਸ ਦਾ ਰਹਿਣ ਵਾਲਾ ਹੈ। ਉਹ 27 ਸਾਲ ਦਾ ਹੈ ਅਤੇ ਇੱਕ ਸਾਬਕਾ ਫੁੱਟਬਾਲਰ ਰਹਿ ਚੁੱਕਾ ਹੈ।
ਪੂਰਾ ਮਾਮਲਾ ਕੀ ਹੈ?
ਮੈਨਹਟਨ ਹਮਲੇ ਤੋਂ ਬਾਅਦ ਸ਼ੇਨ ਦੀ ਫੋਟੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਸੋਮਵਾਰ ਸ਼ਾਮ ਲਗਪਗ 6:30 ਵਜੇ, ਸ਼ੇਨ ਮਿਡਟਾਊਨ ਮੈਨਹਟਨ 345 ਪਾਰਕ ਐਵੇਨਿਊ ਪਹੁੰਚਿਆ ਅਤੇ ਅੰਨ੍ਹੇਵਾਹ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਸ਼ੇਨ ਨੇ ਇੱਕ ਪੁਲਿਸ ਅਧਿਕਾਰੀ ਸਮੇਤ 3 ਲੋਕਾਂ ਦੀ ਹੱਤਿਆ ਕਰ ਦਿੱਤੀ। ਸ਼ੇਨ ਦੀ ਲਾਸ਼ ਇਮਾਰਤ ਦੀ 33ਵੀਂ ਮੰਜ਼ਿਲ ‘ਤੇ ਪਈ ਮਿਲੀ।
