ਅਬੋਹਰ ਕਤਲ ਮਾਮਲਾ: ਪੀੜਤ ਪਰਿਵਾਰ ਨੇ ਮੋਦੀ ਸਰਕਾਰ ‘ਤੇ ਚੁੱਕੇ ਸਖ਼ਤ ਸਵਾਲ

ਅਬੋਹਰ, 8 ਜੁਲਾਈ :  ਅਬੋਹਰ ਦੇ ਮਸ਼ਹੂਰ ਫੈਸ਼ਨ ਡਿਜ਼ਾਈਨਰ ਸੰਜੇ ਵਰਮਾ ਦੀ ਹੱਤਿਆ ਮਾਮਲੇ ‘ਚ ਪਰਿਵਾਰ ਨੇ ਕੇਂਦਰ ਸਰਕਾਰ ਅਤੇ ਕਾਨੂੰਨ ਵਿਵਸਥਾ ‘ਤੇ ਸਿੱਧੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਪਰਿਵਾਰਕ ਮੈਂਬਰਾਂ ਨੇ ਭਾਜਪਾ ਪ੍ਰਧਾਨ ਸੁਨੀਲ ਜਾਖੜ ਦੇ ਸਾਹਮਣੇ ਗੁੱਸਾ ਜਤਾਉਂਦੇ ਹੋਏ ਪੁੱਛਿਆ ਕਿ ਗੁਜਰਾਤ ਜੇਲ੍ਹ ਤੋਂ ਲਾਰੈਂਸ ਬਿਸ਼ਨੋਈ ਗੈਂਗ ਕਿਵੇਂ ਚਲਾਇਆ ਜਾ ਰਿਹਾ ਹੈ ਅਤੇ ਇਨ੍ਹਾਂ ਵੱਡੇ ਗੈਂਗਸਟਰਾਂ ਨੂੰ ਜੇਲ੍ਹਾਂ ‘ਚ ਰੱਖ ਕੇ ਸਰਕਾਰ ਕੀ ਕਰਵਾਉਣਾ ਚਾਹੁੰਦੀ ਹੈ?

ਪਰਿਵਾਰ ਨੇ ਉਠਾਏ ਮੁੱਖ ਸਵਾਲ
“ਕੇਂਦਰ ਸਰਕਾਰ ਨੇ ਇੰਨੇ ਵੱਡੇ ਗੈਂਗਸਟਰ ਜੇਲ੍ਹਾਂ ਵਿੱਚ ਪਾਲੇ ਹੋਏ ਹਨ, ਇਨ੍ਹਾਂ ਤੋਂ ਕੀ ਕਰਵਾਉਣਾ ਚਾਹੁੰਦੇ ਹੋ?”
“ਹਿੰਦੁਸਤਾਨ ਸਰਕਾਰ ਵਪਾਰੀਆਂ ਤੋਂ ਇੰਨਾ ਟੈਕਸ ਲੈਂਦੀ ਹੈ, ਪਰ ਜਨਤਾ ਨੂੰ ਇਨਸਾਫ਼ ਤੇ ਸੁਰੱਖਿਆ ਕਿਉਂ ਨਹੀਂ ਮਿਲਦੀ?”
“ਲਾਰੈਂਸ ਬਿਸ਼ਨੋਈ ਵਰਗੇ ਗੈਂਗਸਟਰਾਂ ਨੂੰ ਭਾਜਪਾ ਸਰਕਾਰ ਨੇ ਸ਼ਰਨ ਕਿਉਂ ਦਿੱਤੀ ਹੋਈ ਹੈ?”
“ਜਨਤਾ ਆਪਣੇ ਰਾਜੇ ਤੋਂ ਸਿਰਫ਼ ਇਨਸਾਫ਼ ਤੇ ਸੁਰੱਖਿਆ ਮੰਗਦੀ ਹੈ, ਮੋਦੀ ਜੀ ਦੱਸੋ, ਜਨਤਾ ਦੀ ਸੁਰੱਖਿਆ ਕਿੱਥੇ ਹੈ?”
ਲਾਰੈਂਸ ਬਿਸ਼ਨੋਈ ਗੈਂਗ ‘ਤੇ ਚਰਚਾ
ਪਰਿਵਾਰ ਨੇ ਲਾਰੈਂਸ ਬਿਸ਼ਨੋਈ ਦੀ ਗੈਂਗ ਵੱਲੋਂ ਗੁਜਰਾਤ ਦੀ ਜੇਲ੍ਹ ‘ਚੋਂ ਗੈਂਗ ਚਲਾਉਣ ਤੇ ਸਿਸਟਮ ‘ਤੇ ਸਵਾਲ ਉਠਾਏ। ਇਹ ਵੀ ਪੁੱਛਿਆ ਕਿ ਜੇਲ੍ਹ ‘ਚੋਂ ਜੈਮਰ ਬੰਦ ਕਰਵਾ ਕੇ, ਲਾਰੈਂਸ ਬਿਸ਼ਨੋਈ ਆਸਾਨੀ ਨਾਲ ਆਪਣੀਆਂ ਗਤੀਵਿਧੀਆਂ ਚਲਾ ਰਿਹਾ ਹੈ, ਤਾਂ ਫਿਰ ਸਰਕਾਰ ਦੀ ਨਿਯਤ ਤੇ ਇਰਾਦਾ ਕੀ ਹੈ?

ਸਿਆਸੀ ਤੇ ਜਨਤਕ ਦਬਾਅ
ਪਰਿਵਾਰ ਨੇ ਭਾਜਪਾ ਪ੍ਰਧਾਨ ਦੇ ਸਾਹਮਣੇ ਖੁੱਲ੍ਹ ਕੇ ਪੁੱਛਿਆ ਕਿ ਵਪਾਰੀ ਵਰਗ ਦੀ ਸੁਰੱਖਿਆ ਕਿਵੇਂ ਯਕੀਨੀ ਬਣਾਈ ਜਾਵੇ। ਮਾਮਲੇ ਨੇ ਸੂਬਾ ਤੇ ਕੇਂਦਰ ਦੀ ਕਾਨੂੰਨ ਵਿਵਸਥਾ ‘ਤੇ ਨਵੀਂ ਚਰਚਾ ਛੇੜ ਦਿੱਤੀ ਹੈ।