ਅਟਾਰੀ , 7 ਮਈ-ਭਾਰਤੀ ਔਰਤ ਫਰਹਤ ਨੇ ਅਟਾਰੀ ਸਰਹੱਦ ‘ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਉਸ ਦਾ ਜਨਮ ਦਿੱਲੀ ਵਿੱਚ ਹੋਇਆ ਸੀ। ਉਸ ਦੇ ਮਾਪਿਆਂ ਨੇ ਪਾਕਿਸਤਾਨ ਵਿਚ ਰਹਿੰਦੇ ਆਪਣੇ ਰਿਸ਼ਤੇਦਾਰਾਂ ਨਾਲ ਰਿਸ਼ਤੇਦਾਰੀ ਵਧਾਉਣ ਲਈ ਉਸ ਦਾ ਵਿਆਹ ਪਾਕਿਸਤਾਨ ਵਿਚ ਕਰਵਾ ਦਿੱਤਾ। ਅੱਠ ਸਾਲ ਪਹਿਲਾਂ ਫਰਹਤ ਦੇ ਤਿੰਨ ਬੱਚੇ ਸਨ। ਬੱਚੇ ਦਾਊਦ ਦੀ ਉਮਰ ਢਾਈ ਸਾਲ, ਲੜਕੀ ਹਫਸਾ ਪੰਜ ਸਾਲ ਅਤੇ ਵੱਡੇ ਪੁੱਤਰ ਦੀ ਉਮਰ ਸੱਤ ਸਾਲ ਹੈ। ਪੰਜ ਮਹੀਨਿਆਂ ਦੀ ਗਰਭਵਤੀ ਔਰਤ ਫਰਹਤ ਨੇ ਅਫ਼ਸੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਉਹ ਪਹਿਲਾਂ ਵੀ ਤਿੰਨ ਦਿਨਾਂ ਲਈ ਇੱਥੇ ਆਈ ਸੀ ਪਰ ਉਸ ਨੂੰ ਪਾਕਿਸਤਾਨ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਫਰਹਤ ਜੋ 45 ਦਿਨਾਂ ਦੇ ਵੀਜ਼ੇ ‘ਤੇ ਭਾਰਤ ਆਈ ਸੀ, 28 ਦਿਨ ਪਹਿਲਾਂ ਆਪਣੇ ਬੱਚਿਆਂ ਨਾਲ ਆਪਣੇ ਪੇਕੇ ਆਈ ਸੀ। ਉਸ ਨੇ ਕਿਹਾ ਕਿ ਉਹ ਤਿੰਨ ਵਾਰ ਅਟਾਰੀ ਸਰਹੱਦ ‘ਤੇ ਪਹੁੰਚੀ ਅਤੇ ਉਸ ਨੂੰ ਪਾਕਿਸਤਾਨ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਉਹ ਗਰੀਬ ਹੈ। ਉਸ ਨੂੰ ਕਿਹਾ ਜਾ ਰਿਹਾ ਹੈ ਕਿ ਉਹ ਦੁਬਈ ਰਾਹੀਂ ਜਾ ਸਕਦੀ ਹੈ, ਉਹ ਇੰਨੇ ਪੈਸੇ ਕਿੱਥੋਂ ਲਿਆਵੇਗੀ।
