ਫ਼ਿਰੋਜ਼ਪੁਰ, 22 ਜਨਵਰੀ (ਬਾਲ ਕਿਸ਼ਨ)– ਡਾਇਰੈਕਟਰ ਰਾਜ ਵਿਦਿਅਕ ਖੋਜ ਅਤੇ ਸਿਖਲਾਈ ਪ੍ਰੀਸ਼ਦ ਪੰਜਾਬ ਡਾ: ਅਮਨਿੰਦਰ ਕੌਰ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿ) ਮੈਡਮ ਮੁਨੀਲਾ ਅਰੋੜਾ, ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਡਾਕਟਰ ਸਤਿੰਦਰ ਸਿੰਘ (ਸੈ. ਸਿ), ਪ੍ਰਿੰਸੀਪਲ ਡਾਇਟ ਮੈਡਮ ਸੀਮਾ ਪੰਛੀ ਅਤੇ ਜ਼ਿਲ੍ਹਾ ਕੋ-ਆਰਡੀਨੇਟਰ ਉਮੇਸ਼ ਕੁਮਾਰ (ਇਨਵਾਇਰਮੈਂਟ ਐਜੂਕੇਸ਼ਨ ਪ੍ਰੋਗਰਾਮ) ਦੀ ਯੋਗ ਅਗਵਾਈ ਹੇਠ ਵਾਤਾਵਰਨ ਸਿੱਖਿਆ ਪ੍ਰੋਗਰਾਮ ਤਹਿਤ ਜ਼ਿਲ੍ਹਾ ਸਿੱਖਿਆ ਅਤੇ ਸਿਖਲਾਈ ਸੰਸਥਾ ਫ਼ਿਰੋਜ਼ਪੁਰ ਵਿਖੇ ਵਰਲਡ ਵਾਈਡ ਫੰਡ (ਭਾਰਤ) ਦੇ ‘ਟਾਈਡ ਟਰਨਰ ਪਲਾਸਟਿਕ ਚੈਲੰਜ’ ਦੇ ਸਬੰਧ ਵਿਚ ਇਕ ਰੋਜ਼ਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਇਸ ਵਰਕਸ਼ਾਪ ਵਿਚ ਡਬਲਿਊ.ਡਬਲਿਊ.ਐਫ (ਭਾਰਤ) ਦੇ ਇਨਵਾਇਰਮੈਂਟ ਐਜੂਕੇਸ਼ਨ ਦੇ ਡਾਇਰੈਕਟਰ ਮੈਡਮ ਨੇਹਾ ਰਾਣੀ ਅਤੇ ਸੀਨੀਅਰ ਪ੍ਰੋਗਰਾਮ ਅਫ਼ਸਰ-ਕਮ-ਰਿਸੋਰਸ ਪਰਸਨ ਐਸ਼ਲੇ ਨੇ ਦੱਸਿਆ ਕਿ ਡਬਲਯੂ–ਡਬਲਯੂ ਐਫ-ਇੰਡੀਆ ਨੇ ਯੂ.ਐਨ.ਈ.ਪੀ ਦੇ ਸਾਥ ਨਾਲ ਮਿਲ ਕੇ ਟਾਈਡ ਟਰਨਰਜ਼ ਪਲਾਸਟਿਕ ਚੈਲੈਂਜ (ਟੀਟੀਪੀਸੀ) ਸ਼ੁਰੂ ਕੀਤਾ ਹੈ, ਜੋ ਪਲਾਸਟਿਕ ਪ੍ਰਦੂਸ਼ਣ ਦੇ ਖ਼ਿਲਾਫ਼ ਇਕ ਗਲੋਬਲ ਯੂਥ-ਨੇਤ੍ਰਿਤ ਅੰਦੋਲਨ ਹੈ। ਹਿੰਦੁਸਤਾਨ ਵਿਚ ਟੀ.ਟੀ.ਪੀ.ਸੀ ਦੇ ਜ਼ਰੀਏ, ਹਜ਼ਾਰਾਂ ਨੌਜਵਾਨ ਅਤੇ ਨੌਜਵਾਨ ਮੈਨਟਰਜ਼ ਨੂੰ ਇਸ ਕਾਰਨ ਬਾਰੇ ਸਿੱਖਣ ਦਾ ਮੌਕਾ ਮਿਲਦਾ ਹੈ ਅਤੇ ਉਹ ਕਮਿਊਨਟੀ ਪੱਧਰ ’ਤੇ ਕਾਰਵਾਈ ਕਰਨ ਲਈ ਪ੍ਰੇਰਿਤ ਹੁੰਦੇ ਹਨ। ਜ਼ਿਲ੍ਹਾ ਨੋਡਲ ਕੋ-ਆਰਡੀਨੇਟਰ ਉਮੇਸ਼ ਕੁਮਾਰ ਨੇ ਦੱਸਿਆ ਕਿ ਇਸ ਵਰਕਸ਼ਾਪ ਵਿਚ ਫ਼ਿਰੋਜ਼ਪੁਰ ਜ਼ਿਲ੍ਹੇ ਦੇ 50 ਸਕੂਲਾਂ ਦੇ ਇੱਕੋ ਕਲੱਬ ਇੰਚਾਰਜ ਅਧਿਆਪਕਾਂ ਨੇ ਭਾਗ ਲਿਆ, ਜਿਸ ਵਿਚ ਅਧਿਆਪਕਾਂ ਨੂੰ ‘ਟਾਈਡ ਟਰਨਰਸ ਪਲਾਸਟਿਕ ਚੈਲੰਜ’ ਸਕੂਲਾਂ ਵਿਚ ਗਤੀਵਿਧੀਆਂ ਕਰਨ ਵਾਸਤੇ ਪ੍ਰਿੰਟ ਮਟੀਰੀਅਲ ਵੰਡਿਆ ਗਿਆ। ਇਸ ਪ੍ਰੋਗਰਾਮ ਤਹਿਤ ਸਕੂਲਾਂ ਵਿਚ ਗਤੀਵਿਧੀਆਂ ਕਰਵਾ ਕੇ ਇਸ ਦੀ ਰਿਪੋਰਟ ਜ਼ਿਲ੍ਹਾ ਦਫ਼ਤਰ ਰਾਹੀਂ ਡਬਲਿਊ ਡਬਲਿਊ ਐਫ (ਇੰਡੀਆ) ਦੇ ਅਧਿਕਾਰੀਆਂ ਨੂੰ ਭੇਜੀ ਜਾਣੀ ਹੈ। ਇਸ ਵਰਕਸ਼ਾਪ ਵਿਚ ਬੀ.ਆਰ.ਸੀ-ਕਮ-ਈ.ਈ.ਪੀ ਕੋਆਰਡੀਨੇਟਰ ਗੁਰਪ੍ਰੀਤ ਸਿੰਘ, ਬੀਆਰਸੀ–ਕਮ-ਈਈਪੀ ਕੋਆਰਡੀਨੇਟਰ ਕਮਲ ਵਧਵਾ, ਬੀਆਰਸੀ–ਕਮ-ਈਈਪੀ ਕੋਆਰਡੀਨੇਟਰ ਅਮਿਤ ਆਨੰਦ, ਕੰਪਿਊਟਰ ਮੈਂਟਰ ਡਾਇਟ ਕਮਲ ਸ਼ਰਮਾ, ਲੈਕਚਰਾਰ ਫਾਊਂਡੇਸ਼ਨ ਗਗਨ ਗੱਖੜ, ਲੈਕਚਰਾਰ ਕਾਮਰਸ ਗੌਰਵ ਮੁੰਜਾਲ ਅਤੇ ਸਮੂਹ ਸਟਾਫ਼ ਡਾਇਟ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।
