ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਫਿਰੋਜ਼ਪੁਰ ਵਿਖੇ ਲਲਿਤ ਕਲਾ ਵਿਭਾਗ ਦੁਆਰਾ ਤਿੰਨ ਦਿਨਾਂ ਦੀ ਪੋਰਟਰੇਟ ਸਟੱਡੀ ਵਕਰਸ਼ਾਪ ਦੇ ਆਯੋਜਨ ’ਚ ਭਾਗ ਲੈਂਦੀਆਂ ਵਿਦਿਆਰਥਣਾਂ। 

ਫਿਰੋਜ਼ਪੁਰ 11 ਫਰਵਰੀ (ਬਾਲ ਕਿਸ਼ਨ)-  ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਫਿਰੋਜ਼ਪੁਰ ਸਿੱਖਿਆ, ਸਮਾਜਿਕ ਅਤੇ ਸੱਭਿਆਚਾਰਕ ਸਰਗਰਮੀਆਂ ਵਿੱਚ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦਾ ਏ+ ਪਲੱਸ ਗ੍ਰੇਡ ਪ੍ਰਾਪਤ ਕਾਲਜ ਹੈ। ਇਹ ਸੰਸਥਾ ਕਾਲਜ ਦੇ ਚੇਅਰਮੈਨ ਨਿਰਮਲ ਸਿੰਘ ਢਿੱਲੋਂ ਦੀ ਛਤਰ ਛਾਇਆ ਅਤੇ ਪਿ੍ਰੰਸੀਪਲ ਡਾ. ਸੰਗੀਤਾ ਦੇ ਉੱਦਮਸ਼ੀਲਤਾ ਯਤਨਾਂ ਦੇ ਕਾਰਨ ਸਿੱਖਿਆ ਅਤੇ ਸਮਾਜਿਕ ਗਤੀਵਿਧੀਆਂ ਵਿੱਚ ਨਵੀਆਂ ਉਚਾਈਆਂ ਨੂੰ ਛੂਹ ਰਹੀ ਹੈ। ਇਸੇ ਲੜੀ ਤਹਿਤ ਫਾਈਨ ਆਰਟਸ ਵਿਭਾਗ ਦੁਆਰਾ 6 ਤੋਂ 8 ਫਰਵਰੀ 2025 ਤੱਕ 3-ਦਿਨਾਂ ਦੀ ਪੋਰਟਰੇਟ ਸਟੱਡੀ ਵਰਕਸ਼ਾਪ ਦਾ ਆਯੋਜਨ ਕੀਤਾ, ਵਿਦਿਆਰਥਣਾਂ ਨੇ ਸਕੈਚਿੰਗ ਤੋਂ ਲੈ ਕੇ ਸ਼ੇਡਿੰਗ ਅਤੇ ਵਿਸਤਿ੍ਰਤ ਪੇਸ਼ਕਾਰੀ ਤੱਕ ਵੱਖ-ਵੱਖ ਤਕਨੀਕਾਂ ਦੀ ਪੜਚੋਲ ਕੀਤੀ।  ਵਰਕਸ਼ਾਪ ਨੇ ਰਚਨਾਤਮਕਤਾ, ਹੁਨਰ ਵਧਾਉਣ ਅਤੇ ਕਲਾਤਮਕ ਪ੍ਰਗਟਾਵੇ ਨੂੰ ਉਤਸ਼ਾਹਿਤ ਕੀਤਾ । ਇਸ ਵਰਕਸ਼ਾਪ ਦਾ ਉਦੇਸ਼ – ਕਲਾ ਦੀ ਵਰਤੋਂ ਕਰਦੇ ਹੋਏ, ਵਿਦਿਆਰਥੀ ਇਸ ਵਿਜ਼ੂਅਲ ਸਮੱਗਰੀ ਨੂੰ ਟ੍ਰਾਂਸਫਰ ਕਰਦੇ ਹਨ ਅਤੇ ਫਿਰ ਨਵੇਂ ਕਾਢ ਕੀਤੇ ਬਿਰਤਾਂਤ ਬਣਾਉਣ ਲਈ ਆਪਣੇ ਨਿੱਜੀ ਅਨੁਭਵਾਂ ਤੋਂ ਨਵੇਂ ਵਿਚਾਰ ਅਤੇ ਜਾਣਕਾਰੀ ਜੋੜਦੇ ਹਨ। ਨਿਰੀਖਣ, ਵਿਆਖਿਆ ਅਤੇ ਸਿਰਜਣਾ ਦੀ ਇਸ ਤਿੰਨ-ਪੜਾਵੀ ਪ੍ਰਕਿਰਿਆ ਦੀ ਵਰਤੋਂ ਵਿਦਿਆਰਥੀਆਂ ਨੂੰ ਵਿਚਾਰ ਪੈਦਾ ਕਰਨ, ਵਿਚਾਰਾਂ ਨੂੰ ਸੰਗਠਿਤ ਕਰਨ ਅਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਸੰਚਾਰ ਕਰਨ ਵਿੱਚ ਮਦਦ ਕਰਦੀ ਹੈ। ਪਹਿਲੇ ਦਿਨ ਦੀ ਵਰਕਸ਼ਾਪ ਵਿੱਚ ਵਿਦਿਆਰਥਣਾਂ ਨੂੰ ਪੋਰਟਰੇਟ ਅਧਿਐਨ ਸੰਬੰਧੀ ਮਨੁੱਖ ਦੇ ਚਿਹਰੇ, ਚਿਹਰੇ ਦੀ ਬਣਤਰ, ਅਨੁਪਾਤ ਅਤੇ ਉਹਨਾਂ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਦੱਸਿਆ ਗਿਆ ਤਾਂ ਜੋ ਸਹੀ ਅਤੇ ਭਾਵਪੂਰਨ ਪੋਰਟਰੇਟ ਨੂੰ ਬਣਾਇਆ ਜਾ ਸਕੇ।  ਜਿਵੇਂ ਕਿ ਲੂਮਿਸ ਵਿਧੀ ਜਾਂ ਕਲਾਸੀਕਲ ਕੈਨਨ, ਕਲਾਕਾਰਾਂ ਦੀਆਂ ਵਿਸ਼ੇਸਤਾਵਾ ਨੂੰ ਸਹੀ ਢੰਗ ਨਾਲ ਰੱਖਣ ਵਿੱਚ ਮਦਦ ਕਰਦਾ ਹੈ। ਦੂਜੇ ਦਿਨ ਵਿੱਚ ਵਿਦਿਆਰਥਣਾਂ ਨੂੰ ਰੋਸ਼ਨੀ ਅਤੇ ਪਰਛਾਵੇ ਦਾ ਡੂੰਘਾਈ ਵਿੱਚ ਅਧਿਐਨ ਕਰਵਾਇਆ ਗਿਆ । ਜੋ ਕਿ ਪੋਰਟਰੇਟ ਨੂੰ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਇਨ੍ਹਾਂ ਤੱਤਾਂ ਦੀ ਮੁਹਾਰਤ ਨਾਲ ਵਿਦਿਆਰਥਣਾਂ ਨੂੰ ਮਜਬੂਤ ਅਤੇ ਭਾਵਪੂਰਣ ਪੋਰਟਰੇਟ ਬਣਾਉਣ ਬਾਰੇ ਦੱਸਿਆ ਗਿਆ ਅਤੇ ਇਨ੍ਹਾਂ ਸਿਧਾਂਤਾਂ ਦੀ ਮਦਦ ਨਾਲ ਤੁਸੀ ਇੱਕ ਮਜਬੂਤ ਨੀਂਹ ਬਣਾਉਦੇ ਹੋਏ ਜੋ ਨਾ ਸਿਰਫ ਤਕਨੀਕੀ ਹੁਨਰਾਂ ਨੂੰ ਬਿਹਤਰ ਬਣਾਉਦੀ ਹੈ ਬਲਕਿ ਮਨੁੱਖੀ ਚਿਹਰੇ ਦੀ ਸਮਝ ਨੂੰ ਵੀ ਡੂੰਘਾ ਕਰਦੀ ਹੈ। ਪ੍ਰੋਗਰਾਮ ਦੇ ਤੀਸਰੇ ਦਿਨ ਵਿਦਿਆਰਥਣਾਂ ਨੇ ਆਪਣੇ ਪੋਰਟਰੇਟ ਸਟੱਡੀ ਵਰਕਸ਼ਾਪ ਵਿੱਚ ਅਧਿਆਪਕਾਂ ਦੁਆਰਾ ਦੱਸੇ ਗਏ ਸਿਧਾਂਤਾਂ ਨੂੰ ਆਪਣੀਆਂ ਬਣਾਈਆ ਗਈ ਕਲਾ ਕ੍ਰੀਤੀਆਂ ਨੂੰ ਸੁੰਦਰ ਰੰਗ ਲਗਾ ਕੇ ਪੂਰਾ ਕੀਤਾ ਗਿਆ । ਤੀਸਰੇ ਦਿਨ ਇਸ ਪ੍ਰੋਗਰਾਮ ਵਿੱਚ ਵਿਸ਼ੇਸ਼ ਤੌਰ ’ਤੇ ਦੇਵ ਸਮਾਜ ਮੈਨੇਜਿੰਗ ਕਮੇਟੀ ਫਿਰੋਜ਼ਪੁਰ ਦੇ ਮੈਬਰਾਨ ਐਡਵੇਕੋਟ ਅਜੇ ਬੱਤਾ, ਡਾ. ਸੁਨੀਤਾ ਰੰਗਬੁੱਲਾ, ਪਿ੍ਰਤਪਾਲ ਕੌਰ, ਰਾਜਵਿੰਦਰ ਕੌਰ ਨੇ ਸ਼ਿਰਕਤ ਕੀਤੀ। ਉਨ੍ਹਾਂ ਵਿਦਿਆਰਥਣਾਂ ਦੁਆਰਾ ਬਣਾਏ ਪੋਰਟਰੇਟ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਡਾ. ਸੰਗੀਤਾ, ਪਿ੍ਰੰਸੀਪਲ ਨੇ ਪ੍ਰੋਗਰਾਮ ਦੇ ਸਫਲ ਆਯੋਜਨ ਤੇ ਵਿਭਾਗ ਦੇ ਮੁਖੀ ਸੰਦੀਪ ਸਿੰਘ ਅਤੇ ਸਹਾਇਕ ਪ੍ਰੋਫੈਸਰ ਜੋਤੀ ਨੂੰ ਵਧਾਈ ਦਿੱਤੀ ।