ਜਲੰਧਰ, 10 ਮਈ-ਜਲੰਧਰ ਵਿੱਚ ਇੱਕ ਹੋਰ ਜ਼ੋਰਦਾਰ ਧਮਾਕਾ ਹੋਇਆ। ਲੋਕਾਂ ਨੇ ਧਮਾਕੇ ਦੀ ਆਵਾਜ਼ ਸੁਣੀ । ਪੂਰੇ ਸ਼ਹਿਰ ‘ਚ ਮੁੜ ਤੋਂ ਬਲੈਕਆਊਟ ਕਰ ਦਿੱਤਾ ਗਿਆ । ਰਾਤ ਨੂੰ 1:30 ਵਜੇ ਸਾਇਰਨ ਵੱਜਣਾ ਸ਼ੁਰੂ ਹੋ ਗਿਆ। ਜਲੰਧਰ ਰੇਲਵੇ ਸਟੇਸ਼ਨ ਦੇ ਨੇੜੇ ਰਿਸ਼ੀ ਨਗਰ ਵਿੱਚੋਂ ਡਰੋਨ ਲੰਘਦੇ ਹੀ ਲੋਕਾਂ ਨੇ ਆਪਣੇ ਮੋਬਾਈਲ ਫੋਨਾਂ ‘ਤੇ ਵੀਡੀਓ ਰਿਕਾਰਡ ਕੀਤੀ। ਦੇਰ ਰਾਤ ਜਲੰਧਰ ਵਿੱਚ ਇੱਕ ਧਮਾਕਾ ਹੋਇਆ। ਭਾਰਤੀ ਸੈਨਿਕਾਂ ਨੇ ਕਈ ਡਰੋਨ ਡੇਗ ਦਿੱਤੇ ਸਨ। ਪਰ ਕੁਝ ਘੰਟਿਆਂ ਬਾਅਦ, ਪਾਕਿਸਤਾਨ ਨੇ ਫਿਰ ਡਰੋਨ ਨਾਲ ਹਮਲਾ ਕੀਤਾ। ਚੰਡੀਗੜ੍ਹ ਵਿੱਚ ਵੀ, ਸਾਇਰਨ ਸਵੇਰੇ 01:22 ਵਜੇ ਵੱਜਣਾ ਸ਼ੁਰੂ ਹੋ ਗਿਆ। ਸਾਇਰਨ ਲਗਾਤਾਰ ਵੱਜ ਰਿਹਾ ਸੀ। ਚੰਡੀਗੜ੍ਹ ਵਿੱਚ ਲੜਾਕੂ ਜਹਾਜ਼ ਨਿਗਰਾਨੀ ਕਰਦੇ ਰਹੇ। ਦੇਰ ਰਾਤ ਨੂੰ ਅਸਮਾਨ ਵਿੱਚ ਲੜਾਕੂ ਜਹਾਜ਼ਾਂ ਦੀ ਆਵਾਜ਼ ਸੁਣਾਈ ਦਿੰਦੀ ਰਹੀ।
