ਜਬਰ ਜਨਾਹ ਮਾਮਲੇ ‘ਚ 20 ਸਾਲ ਦੀ ਸਜ਼ਾ ਕੱਟ ਰਿਹਾ ਦੋਸ਼ੀ ਨਿਕਲਿਆ ਬੇਕਸੂਰ, HC ਨੇ 57 ਮਿੰਟ ਦੀ ਆਡੀਓ ਸੁਣ ਕੇ ਕੀਤਾ ਬਰੀ

ਦਰਬੰਗਾ, 31 ਮਾਰਚ-ਨਾਬਾਲਗ ਨਾਲ ਜਬਰ ਜਨਾਹ ਦੇ ਦੋਸ਼ ‘ਚ ਸਜ਼ਾ ਕੱਟ ਰਹੇ ਇੱਕ ਬੇਕਸੂਰ ਵਿਅਕਤੀ ਨੂੰ ਬਰੀ ਕੀਤੇ ਜਾਣ ਨੂੰ ਲੈ ਕੇ ਪੁਲਿਸ ਹੈੱਡਕੁਆਰਟਰ ‘ਚ ਹਫੜਾ–ਦਫੜੀ ਮਚੀ ਹੋਈ ਹੈ। ਇਨਸਾਫ਼ ਦਿਵਾਉਣ ਲਈ ਸਰਕਾਰ ਹੁਣ ਪੀੜਤ ਨੂੰ ਮੁਆਵਜ਼ਾ ਦੇਵੇਗੀ। ਇਸ ਦੇ ਨਾਲ ਹੀ ਮਨੁੱਖੀ ਅਧਿਕਾਰ ਕਮਿਸ਼ਨ ਨੇ ਵੀ ਪੂਰੇ ਮਾਮਲੇ ਦਾ ਨੋਟਿਸ ਲਿਆ ਹੈ। ਇਸ ਸਬੰਧੀ ਕੇਸ ਨੰਬਰ 18/4/10/2024 ਦਰਜ ਕੀਤਾ ਗਿਆ ਹੈ। ਇਸ ‘ਚ ਬੇਗੁਨਾਹ ਵਿਅਕਤੀ ਨੂੰ ਸਜ਼ਾ ਦਿਵਾਉਣ ਵਾਲੇ ਪੁਲਿਸ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਅਤੇ ਮੁਆਵਜ਼ੇ ਦੀ ਮੰਗ ਕੀਤੀ ਗਈ ਹੈ।

ਹਾਈਕੋਰਟ ਤੋਂ ਦੋਸ਼ ਮੁਕਤ

ਡੀਜੀਪੀ ਵਿਨੈ ਕੁਮਾਰ ਦੇ ਨਿਰਦੇਸ਼ਾਂ ‘ਤੇ ਕਮਜ਼ੋਰ ਵਰਗਾਂ ਅਤੇ ਅਪਰਾਧ ਜਾਂਚ ਵਿਭਾਗ ਦੇ ਵਧੀਕ ਡਾਇਰੈਕਟਰ ਜਨਰਲ ਆਫ਼ ਪੁਲਿਸ ਵੱਲੋਂ ਗਠਿਤ ਜਾਂਚ ਟੀਮ ਦੀ ਰਿਪੋਰਟ ‘ਤੇ ਹਾਈ ਕੋਰਟ ਵੱਲੋਂ ਪੀੜਤ ਨੂੰ ਬਰੀ ਕੀਤੇ ਜਾਣ ਅਤੇ ਦੋਸ਼ੀ ਪੁਲਿਸ ਅਧਿਕਾਰੀਆਂ ਵਿਰੁੱਧ ਕੀਤੀ ਗਈ ਕਾਰਵਾਈ ਸੰਬੰਧੀ ਸਬੂਤ ਇਕੱਠੇ ਕੀਤੇ ਗਏ ਹਨ।

ਪੁਲਿਸ ਹੈੱਡਕੁਆਰਟਰ ਨੇ ਕੀਤਾ ਆਪਣਾ ਬਚਾਅ

ਇਸ ਸਬੰਧੀ ਆਯੋਗ ਨੇ ਸਰਕਾਰ ਨੂੰ ਤਲਬ ਕੀਤਾ ਹੈ। ਜਾਣਕਾਰੀ ਮੁਤਾਬਕ, ਪੁਲਿਸ ਹੈੱਡਕੁਆਰਟਰ ਨੇ ਆਯੋਗ ਦੇ ਨਿਰਦੇਸ਼ਾਂ ਤੋਂ ਪਹਿਲਾਂ ਦੋਸ਼ੀਆਂ ਖ਼ਿਲਾਫ਼ ਕਾਰਵਾਈ ਕਰਕੇ ਆਪਣਾ ਬਚਾਅ ਕਰ ਲਿਆ ਹੈ। ਹੁਣ ਜਿਵੇਂ ਹੀ ਮੁਆਵਜ਼ੇ ਲਈ ਨਿਰਦੇਸ਼ ਮਿਲੇਗਾ, ਇਸਨੂੰ ਜਾਰੀ ਕਰਨ ਲਈ ਸੁਝਾਅ ਦਿੱਤਾ ਜਾਵੇਗਾ।

ਮੁਆਵਜ਼ੇ ਦੀ ਪੂਰੀ ਤਿਆਰੀ

ਪੁਲਿਸ ਹੈੱਡਕੁਆਰਟਰ ਦੇ ਸਰੋਤਾਂ ਅਨੁਸਾਰ, ਮੁਆਵਜ਼ੇ ਦੀ ਸਾਰੀ ਤਿਆਰੀ ਪੂਰੀ ਕਰ ਲਈ ਗਈ ਹੈ। ਸਿਰਫ ਆਯੋਗ ਦੇ ਪੱਤਰ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਦਰਭੰਗਾ ਜ਼ਿਲ੍ਹੇ ਦੇ ਬਹੇੜਾ ਥਾਣੇ ਖੇਤਰ ਦੇ ਨਿਵਾਸੀ ਮੁਕੇਸ਼ ਕੁਮਾਰ ਨੂੰ ਇਹ ਇਨਸਾਫ ਸਮਾਜਿਕ ਕਾਰਕੁਨ ਰਵਿੰਦਰ ਨਾਥ ਸਿੰਘ ਉਰਫ ਚਿੰਟੂ ਕਾਰਨ ਮਿਲਿਆ ਹੈ।

ਪੀੜਤ ਪਰਿਵਾਰ ਨੇ ਉਨ੍ਹਾਂ ਨੂੰ ਘਟਨਾ ਦੀ ਪੂਰੀ ਜਾਣਕਾਰੀ ਦਿੱਤੀ। ਇਲਾਕੇ ਦੇ ਲੋਕਾਂ ਨੇ ਵੀ ਦੋਸ਼ੀ ਨੂੰ ਬੇਗੁਨਾਹ ਦੱਸਿਆ। ਇਸ ਤੋਂ ਬਾਅਦ ਚਿੰਟੂ ਨੇ ਪੂਰੇ ਸਾਖੀਆਂ ਨਾਲ ਹਾਈ ਕੋਰਟ ਦਾ ਦਰਵਾਜਾ ਖੜਕਾਇਆ, ਜਿੱਥੇ ਹਾਈ ਕੋਰਟ ਦੇ ਡਿਵੀਜ਼ਨ ਬੈਂਚ ਨੇ 28 ਨਵੰਬਰ 2024 ਨੂੰ ਦੋਸ਼ੀ ਨੂੰ ਬਰੀ ਕਰ ਦਿੱਤਾ। ਇਸ ਤੋਂ ਬਾਅਦ, ਉਹ ਖੁਦ ਬਿਨੈਕਾਰ ਬਣ ਗਿਆ ਅਤੇ ਪੀੜਤ ਨੂੰ ਇਨਸਾਫ਼ ਦਿਵਾਉਣ ਲਈ ਡੀਜੀਪੀ ਨੂੰ ਅਪੀਲ ਕੀਤੀ ਅਤੇ ਮਨੁੱਖੀ ਅਧਿਕਾਰ ਕਮਿਸ਼ਨ ਨੂੰ ਵੀ ਅਰਜ਼ੀ ਦਿੱਤੀ।

ਸਾਲ 2020 ‘ਚ ਹੋਈ ਸੀ ਗ੍ਰਿਫ਼ਤਾਰੀ

ਜਾਣਕਾਰੀ ਅਨੁਸਾਰ, ਮੁਕੇਸ਼ ਕੁਮਾਰ ਦੀ ਗ੍ਰਿਫ਼ਤਾਰੀ 8 ਅਗਸਤ 2020 ਨੂੰ ਹੋਈ ਸੀ। ਦਰਭੰਗਾ ਪਾਸਕੋ ਕੋਰਟ ਨੇ 29 ਨਵੰਬਰ 2023 ਨੂੰ ਦੋਸ਼ੀ ਪਾਏ ਜਾਣ ‘ਤੇ 20 ਸਾਲ ਦੀ ਸਜ਼ਾ ਸੁਣਾਈ ਸੀ। ਹਾਈਕੋਰਟ ਤੋਂ ਬੇਗੁਨਾਹ ਹੋਣ ‘ਤੇ ਮੁਕੇਸ਼ 3 ਦਸੰਬਰ 2024 ਨੂੰ ਦਰਭੰਗਾ ਜੇਲ੍ਹ ਤੋਂ ਬਾਹਰ ਆਏ। ਦਰਅਸਲ, ਬੇਹੇੜਾ ਪੁਲਿਸ ਸਟੇਸ਼ਨ ਕੇਸ ਨੰਬਰ 283/20 ਦੇ ਜਾਂਚਕਰਤਾ ਜਾਵੇਦ ਆਲਮ ਨੇ ਹਾਈ ਕੋਰਟ ‘ਚ ਦੋਸ਼ੀ ਨੂੰ ਬੇਕਸੂਰ ਐਲਾਨਿਆ ਸੀ। ਉਨ੍ਹਾਂ ਕਿਹਾ ਕਿ ਮੁਕੇਸ਼ ਪੂਰੇ ਮਾਮਲੇ ‘ਚ ਬੇਕਸੂਰ ਹੈ ਅਤੇ ਉਸ ਪਿੰਡ ਦਾ ਦਿਨੇਸ਼ ਕੁਮਾਰ ਅਸਲੀ ਦੋਸ਼ੀ ਹੈ ਪਰ ਸੀਨੀਅਰ ਅਧਿਕਾਰੀ ਦੇ ਦਬਾਅ ‘ਚ ਮੁਕੇਸ਼ ਖ਼ਿਲਾਫ਼ ਦੋਸ਼ ਪੱਤਰ ਸਮਰਪਿਤ ਕਰ ਦਿੱਤਾ ਗਿਆ।

57 ਮਿੰਟ ਦੇ ਆਡੀਓ ਕਲਿੱਪ ਨਾਲ ਦੋਸ਼ੀਆਂ ‘ਤੇ ਹੋਈ ਕਾਰਵਾਈ

ਨਾਬਾਲਗ ਨਾਲ ਜਬਰ ਜਨਾਹ ਦੇ ਮਾਮਲੇ ‘ਚ 20 ਸਾਲ ਦੀ ਸਜ਼ਾ ਭੁਗਤ ਰਹੇ ਬੇਕਸੂਰ ਲਈ 57 ਮਿੰਟ ਦਾ ਆਡੀਓ ਕਲਿੱਪ ਅਮ੍ਰਿਤ ਸਾਬਤ ਹੋਇਆ। ਇਸ ਨਾਲ ਸਮਾਜ ਦੇ ਠੇਕੇਦਾਰ ਅਤੇ ਪੁਲਿਸ ਅਧਿਕਾਰੀਆਂ ਦੀਆਂ ਕਰਤੂਤਾਂ ਦਾ ਪਤਾ ਲੱਗਿਆ। 6 ਲੱਖ ਰੁਪਏ ਨਾ ਦੇਣ ਕਾਰਨ ਕਿਵੇਂ ਬੇਕਸੂਰ ਨੂੰ ਫਸਾਇਆ ਜਾਂਦਾ ਹੈ, ਇਸ ਦਾ ਵੀ ਪਰਦਾਫਾਸ਼ ਹੋਇਆ।

ਇਨ੍ਹਾਂ ਪੁਲਿਸ ਅਧਿਕਾਰੀਆਂ ‘ਤੇ ਹੋਈ ਕਾਰਵਾਈ

ਇਸ ਤਹਿਤ ਮਾਮਲੇ ਦੀ ਜਾਂਚ ਕਰ ਰਹੇ ਸਹਾਇਕ ਸਬ-ਇੰਸਪੈਕਟਰ ਜਾਵੇਦ ਆਲਮ (ਮੌਜੂਦਾ ਸਮੇਂ ਸਾਰਨ ਜ਼ਿਲ੍ਹੇ ਦੇ ਅਵਤਾਰਨਗਰ ਪੁਲਿਸ ਸਟੇਸ਼ਨ ਦੇ ਸਟੇਸ਼ਨ ਹੈੱਡ), ਤਤਕਾਲੀ ਬਹੇੜਾ ਸਟੇਸ਼ਨ ਹੈੱਡ ਸੁਨੀਲ ਕੁਮਾਰ (ਮੌਜੂਦਾ ਸਮੇਂ ਪੁਲਿਸ ਇੰਸਪੈਕਟਰ, ਐੱਸਐੱਸਪੀ ਦਫਤਰ ਮਧੂਬਨੀ) ਨੂੰ ਸਾਰਨ ਅਤੇ ਮਧੂਬਨੀ ਜ਼ਿਲ੍ਹਿਆਂ ਦੇ ਐਸਪੀਜ਼ ਨੇ ਮੁਅੱਤਲ ਕਰ ਦਿੱਤਾ ਹੈ। ਹੁਣ ਦੋਹਾਂ ‘ਤੇ ਵਿਭਾਗੀ ਕਾਰਵਾਈ ਦੀ ਤਲਵਾਰ ਲਟਕ ਗਈ ਹੈ। ਨਾਲ ਹੀ, ਕਾਂਡ ਦੇ ਨਿਗਰਾਨੀ ਕਰਨ ਵਾਲੇ ਬੇਨੀਪੁਰ ਐੱਸਡੀਪੀਓ (SDPO)ਉਮੇਸ਼ਵਰ ਚੌਧਰੀ (ਵਰਤਮਾਨ ‘ਚ ਡੀਐੱਸਪੀ ਪਾਲੀਗੰਜ ਟੂ) ਵੀ ਕਾਰਵਾਈ ਦੇ ਘੇਰੇ ‘ਚ ਆ ਗਏ ਹਨ। ਵਿਭਾਗੀ ਕਾਰਵਾਈ ਸ਼ੁਰੂ ਕਰਨ ਲਈ ਉਨ੍ਹਾਂ ਨੂੰ ਸ਼ੋ ਕੋਜ਼ ਨੋਟਿਸ ਜਾਰੀ ਕੀਤਾ ਗਿਆ ਹੈ।