ਸ੍ਰੀਨਗਰ, 31 ਅਗਸਤ : ਕਸ਼ਮੀਰ ਵਿੱਚ ਤਾਇਨਾਤ ਫੌਜ ਦੀ 24ਵੀਂ ਰਾਸ਼ਟਰੀ ਰਾਈਫਲਜ਼ ਦੇ ਇੱਕ ਸਿਪਾਹੀ ਦੀ ਸ਼ਨੀਵਾਰ ਨੂੰ ਆਪਣੀ ਹੀ ਰਾਈਫਲ ਵਿੱਚੋਂ ਅਚਾਨਕ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ। ਮ੍ਰਿਤਕ ਸਿਪਾਹੀ ਸਪੈਸ਼ਲ ਰੈਪਿਡ ਐਕਸ਼ਨ ਟੀਮ (QAT) ਦਾ ਮੈਂਬਰ ਸੀ। ਇਹ ਘਟਨਾ ਗੰਦਰਬਲ ਦੇ ਮਾਨਸਬਲ ਵਿੱਚ ਫੌਜ ਕੈਂਪ ਦੇ ਨੇੜੇ ਵਾਪਰੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਫੌਜ ਦੇ ਜਵਾਨਾਂ ਦਾ ਇੱਕ ਦਸਤਾ ਅੱਜ ਸ਼੍ਰੀਨਗਰ ਤੋਂ ਬਾਂਦੀਪੋਰਾ ਜਾ ਰਿਹਾ ਸੀ। ਸੈਨਿਕਾਂ ਦਾ ਇਹ ਦਸਤਾ ਕੁਝ ਸਮੇਂ ਲਈ ਮਾਨਸਬਲ ਨੇੜੇ ਰੁਕਿਆ। ਸਿਪਾਹੀ ਛੋਟੂ ਕੁਮਾਰ ਜੋ ਕਿ QAT ਸਕੁਐਡ ਵਿੱਚ ਸੀ, ਆਪਣੀ ਗੱਡੀ ਤੋਂ ਛਾਲ ਮਾਰ ਗਿਆ। ਇਸ ਦੌਰਾਨ ਉਸ ਨੇ ਆਪਣੀ ਅਸਾਲਟ ਰਾਈਫਲ ਦਾ ਟਰਿੱਗਰ ਦਬਾ ਦਿੱਤਾ ਅਤੇ ਗੋਲੀ ਚੱਲ ਗਈ। ਗੋਲੀ ਉਸ ਦੀ ਠੋਡੀ ਦੇ ਹੇਠਾਂ ਲੱਗੀ ਅਤੇ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਪੁਲਿਸ ਅਤੇ ਫੌਜੀ ਪ੍ਰਸ਼ਾਸਨ ਨੇ ਮਾਮਲੇ ਦਾ ਨੋਟਿਸ ਲੈਂਦਿਆਂ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
